قاسىم-جومارت توقايەۆ يۋدايزم ۇيىمىنىڭ وكىلدەرىمەن كەزدەستى، - دەپ حابارلايدى اqshamnews.kz ءتىلشىسى.
الەمدىك جانە ءداستۇرلى دىندەر كوشباسشىلارىنىڭ VIII سەزى الاڭىندا قاسىم-جومارت توقايەۆ ءيزرايلدىڭ باس اشكەناز ءراۆۆينى كالمان بەرمەن، ءيزرايلدىڭ باس سەفارد ءراۆۆينى داۆيد يوسەفپەن، امەريكانىڭ ءىرى ەۆرەي ۇيىمدارى پرەزيدەنتتەرى كونفەرەنسياسى اتقارۋشى ءتوراعاسىنىڭ ورىنباسارى مالكولم حونلاينمەن كەزدەستى.
مەملەكەت باسشىسىنىڭ ايتۋىنشا، مەيمانداردىڭ فورۋمعا قاتىسۋى ەلدەر اراسىنداعى مادەني-رۋحاني بايلانىستاردى نىعايتۋعا ءازىر ەكەنىن كورسەتەدى.
پرەزيدەنت ەلىمىزدىڭ حالقى الەمنىڭ نەگىزگى دىندەرىن ۇستاناتىنىن ايتتى. ولاردىڭ اراسىندا ءيۋدايزمنىڭ ورنى ەرەكشە. ال ەۆرەي ۇيىمدارى قوعامنىڭ اجىراماس بولىگى رەتىندە قازاقستان حالقى اسسامبلەياسىن دامىتۋعا جانە نىعايتۋعا زور ۇلەس قوسىپ كەلەدى.
قاسىم-جومارت توقايەۆ اشكەناز جانە سەفارد راۆۆيناتتارىنىڭ كوشباسشىلارى ادامزاتقا ورتاق قۇندىلىقتاردى ىلگەرىلەتۋ جولىنداعى ءدىنارالىق ديالوگقا بەلسەندى اتسالىسا بەرەتىنىنە سەنىم ءبىلدىردى.