ءماجىلىس دەپۋتاتى ەلنۇر بەيسەنبايەۆ پرەمەر-مينيستردىڭ ورىنباسارى ەرالى توعجانوۆقا جولداعان دەپۋتاتتىق ساۋالىندا جاسوسپىرىمدەر اراسىنداعى قىلمىس پەن قايعىلى وقيعالاردى كوتەردى، - دەپ حابارلايدى اqshamnews.kz ءتىلشىسى.
15 كۇندە – 3 قازا
جامبىل وبلىسىندا وقۋ جىلى باستالعالى ءۇش ءجاسوسپىرىم ءتۇرلى جانجال سالدارىنان كوز جۇمعان.
-
تارازدا 9-سىنىپ وقۋشىسى مەكتەپ دارەتحاناسىندا توبەلەس كەزىندە قازا تاپتى.
-
شۋ اۋدانىندا فۋتبول ويىنى كەزىندە تۋعان جانجالدىڭ سوڭى 10-سىنىپ وقۋشىسىنىڭ ولىمىنە اكەلدى.
-
ال 1 قىركۇيەكتە كوللەدجگە ەندى تۇسكەن ستۋدەنت قاتارلاسىن پىشاقتاپ ولتىرگەن.
"باس-اياعى 15 كۇننىڭ ىشىندە ءبىر عانا وڭىردە 3 بىردەي وقۋشىنىڭ كىسى قولىنان اجال قۇشۋى – دابىل قاعارلىق جاعداي!" – دەدى دەپۋتات.
رەسمي ستاتيستيكا
2024 جىلى جاسوسپىرىمدەردىڭ قاتىسۋىمەن 1 973 قىلمىس تىركەلسە، ونىڭ ىشىندە 130-ى - اسا اۋىر قىلمىس. ال بيىلعى سەگىز ايدا 938 قىلمىس بولعان. جىل اياعىنا دەيىن بۇل كورسەتكىش بىلتىردان دا اسىپ ءتۇسۋى مۇمكىن.
قىلمىستىڭ كوبى شىمكەنت (131)، الماتى (115) جانە استانا (92) قالالارىندا تىركەلگەن.
سەبەپ نەدە؟
دەپۋتات جاعدايدىڭ ۋشىعۋىنا بىرنەشە فاكتوردى اتادى:
-
مەكتەپتەردە تاربيە جۇمىسىنىڭ قاعاز جۇزىندە قالىپ قويۋى؛
-
بالالاردىڭ ەموسياسىن باسقارۋ داعدىسىنىڭ دامىماۋى؛
-
مەكتەپ پسيحولوگتارىنىڭ جەتكىلىكسىزدىگى؛
-
يۋۆەنال پوليسيا مەن كوميسسيالاردىڭ فورمالدى جۇمىسى؛
-
اتا-انالاردىڭ جاۋاپكەرشىلىگىنىڭ تومەندىگى؛
-
سمارتفونعا تاۋەلدىلىك.
ۇسىنىستار
ەلنۇر بەيسەنبايەۆ بۇل جاعدايدى توقتاتۋ ءۇشىن مىناداي شارالاردى ۇسىندى:
-
بارلىق مەكتەپكە انتيبۋللينگتىك باعدارلامانى ەنگىزۋ.
-
پسيحولوگيالىق كومەك قىزمەتىن كۇشەيتىپ، بالالارعا ەموسيانى باسقارۋ مەن جانجالدىڭ الدىن الۋ داعدىلارىن ۇيرەتۋ.
-
سپورتتىق جانە كوپشىلىك ءىس-شارالاردى قۇندىلىقتارعا تاربيەلەۋ مەن كوماندالىق رۋحتى ارتتىرۋعا باعىتتاۋ.
-
مەكتەپتەردە سمارتفون پايدالانۋدى شەكتەۋ.