الماتىدا دۋالدى ءبىلىم بەرۋ جۇيەسى قارقىندى دامىپ كەلەدى. بۇل جۇيە تەوريالىق ءبىلىم مەن پراكتيكالىق ماشىقتى ۇشتاستىرىپ، ستۋدەنتتەردىڭ ەڭبەك نارىعىنا دايىن بولۋىنا مۇمكىندىك بەرەدى.
قالاداعى يندۋستريا، تۋريزم جانە قوناقجايلىلىق كوللەدجى جىل سايىن جۇزدەگەن مامان دايىندايدى. تۇلەكتەردىڭ باسىم بولىگى مەيرامحانالار مەن قوناقۇيلەردە تاجىريبەدەن ءوتىپ، كەيىن ماماندىعى بويىنشا جۇمىسقا ورنالاسادى.
اۆتومەحانيكالىق كوللەدج دە دۋالدى وقىتۋدى بەلسەندى ەنگىزۋدە. ستۋدەنتتەر العاشقى كۋرستان باستاپ وندىرىستىك پراكتيكادان وتەدى. جاقىندا مۇندا اۆتوسەرۆيسكە ارنالعان قۇزىرەت ورتالىعى اشىلماق.
تەلەكوممۋنيكاسيا جانە ماشينا جاساۋ كوللەدجىنىڭ ستۋدەنتتەرى ءىرى زاۋىتتاردا تاجىريبەدەن ءوتىپ، ەڭبەكاقى مەن الەۋمەتتىك قولداۋ الادى. بۇل ولاردىڭ كاسىبي قالىپتاسۋىنا قوسىمشا ىنتالاندىرۋ بەرەدى.
قازىرگى تاڭدا الماتىدا 88 كوللەدج جۇمىس ىستەيدى. وندا 85 مىڭنان استام ستۋدەنت وقيدى. وتكەن وقۋ جىلىندا ولاردىڭ 17،5 مىڭى دۋالدى جۇيە ارقىلى كاسىبي دايىندىقتان ءوتتى.
بۇل تاجىريبە ءبىلىم بەرۋ مەن بيزنەستىڭ ءتيىمدى ارىپتەستىگىن كورسەتىپ، جاستاردىڭ ەڭبەك نارىعىندا باسەكەگە قابىلەتتى بولۋىنا جول اشۋدا.