بىلتىر 4 ميللياردتان استام ترانزاكسيا جاسالعان.
قازاقستاندىقتار ونلاين ساۋداعا توعىز ايدا 3،8 ملرد تەڭگە جۇمساعان، دەپ حابارلايدى Almaty-akshamy.kz Inbusiness.kz سىلتەمە جاساپ.
قازاقستاندا ونلاين ساتىپ الىنعان تاۋارلار كولەمى ارتتى. بيىل توعىز ايدا ونلاين تاسىلمەن 3،8 ميلليارد تەڭگەگە تولەم ترانزاكسياسى جۇرگىزىلدى. بىلتىرعى سايكەس كەزەڭمەن سالىستىرعاندا 33،7%-كە ارتىق.
مونيتورينگتىك كومپانيانىڭ اقپاراتى بويىنشا، قازاقستاندىقتار ينتەرنەت ارقىلى جيھاز، ەلەكترونيكا، تۇرمىستىق تەحنيكا، كيىم-كەشەك، ءۇي جانە تۇرمىستىق تاۋارلار مەن ازىق-تۇلىك تە ساتىپ الادى.
ماسەلەن، ونلاين ساۋدادا ەڭ كوپ ساتىلاتىن - كيىم مەن سپورتتىق تاۋارلار - 63،6%، ال ەكىنشى ورىندا - ازىق-تۇلىك ونىمدەرى - 48،4%.
سونىمەن قاتار ءدارى، كوسمەتيكا، ۇيدە پايدالانۋعا ارنالعان تاۋارلار، كىتاپ، جۋرنال، گازەت، فيلم، مۋزىكا دا ونلاين ساۋدادا ءجيى ساتىلادى.
ساراپشىلار بىلتىر 4 ميللياردتان استام ترانزاكسيا جاسالعانىن اتاپ ءوتتى.