ستاتيستيكاعا سايكەس، Skills Enbek كاسىبي ونلاين وقىتۋ پلاتفورماسىندا پايدالانۋشىلاردىڭ 60%-دان استامى ايەلدەر.
بۇل رەتتە ولار كەم دەگەندە ءبىر كۋرستى اياقتاپ، شامامەن 81% سەرتيفيكات الدى، دەپ حابارلايدى aqshamnews.kz.
ماسەلەن، 1 ناۋرىزداعى جاعداي بويىنشا پورتالدا 527،5 مىڭ پايدالانۋشى تىركەلگەن، ونىڭ 433،4 مىڭى وقۋىن اياقتاعان. سايكەسىنشە تىركەلەندەر اراسىندا ايەلدەردىڭ ۇلەسى 62%-دى قۇراسا، وقىتۋدان وتكەندەردىڭ 61% نازىك جاندىلار.
وقۋىن اياقتاعان ايەلدەردىڭ ەڭ كوپ سانى تۇركىستان، قىزىلوردا، الماتى، جامبىل وبلىستارى مەن شىمكەنت قالاسىنىڭ تۇرعىندارى.
ءبىلىم الۋشى ايەلدەردىڭ ورتاشا جاسى – 38 جاس، ەڭ كىشىسى – 14 جاس، ال ەڭ ۇلكەنى – 78 جاستا. سونىمەن قاتار 140 جانە 182 كۋرستى مەڭگەرگەن ايەلدەر دە بار.
سونىمەن قاتار، جۇمىسشى ماماندىقتارى بويىنشا كۋرستارعا ايەلدەر كوپتەپ جازىلۋدا. ايەلدەر وقيتىن ەرەكشە كۋرستاردىڭ ىشىندە «اۆتوموبيل كولىگىمەن تاسىمالداۋدى ۇيىمداستىرۋ»، «جىلۋ جەلىلەرىنىڭ جابدىقتارى، قۇبىرلارى مەن ارماتۋرالارىنا قىزمەت كورسەتۋ جانە جوندەۋ»، «دانەكەرلەۋ ءوندىرىسىنىڭ نەگىزدەرى»، «ەلەكتر جابدىقتارىنا قىزمەت كورسەتۋ جانە جوندەۋ بويىنشا ەلەكتر سلەسارلىق جۇمىستار»، «قازاندىق اگرەگاتتارىنا قىزمەت كورسەتۋ جانە جوندەۋ» بار.
ەڭبەك رەسۋرستارىن دامىتۋ ورتالىعىنىڭ ساراپشىلارى ايەلدەرگە كۋرستاردى تاڭداۋ بويىنشا ۇسىنىستار بەردى. ولاردىڭ ايتۋىنشا، كاسىپكەرلىك، IT-سالا، ماركەتينگ، اۋىل شارۋاشىلىعى جانە الەۋمەتتىك قىزمەت سياقتى تانىمال باعىتتارعا نازار اۋدارۋ قاجەت.
ەستەرىڭىزگە سالا كەتەيىك، Skills Enbek پلاتفورماسى جىنىسىنا نەمەسە الەۋمەتتىك مارتەبەسىنە قاراماستان بارلىعىنا ساپالى ءبىلىم الۋعا مۇمكىندىك بەرە وتىرىپ، قازاقستانداعى ونلاين-وقىتۋ سالاسىن جاقسارتۋعا ارنالعان. پلاتفورمادا ازاماتتارعا جاڭا ءبىلىم الۋعا جانە بىلىكتىلىگىن ارتتىرۋعا كومەكتەسەتىن ءتۇرلى باعىتتار بويىنشا 859 كۋرس ۇسىنىلعان. كۋرستى دەربەس كومپيۋتەرلەر ارقىلى دا، Enbek ءموبيلدى قوسىمشاسىندا سمارتفون ارقىلى دا وقۋعا بولادى.