بۇل - ون ايدا قول جەتكىزگەن كورسەتكىش.
ونەركاسىپ ءوندىرىسىنىڭ يندەكسى 2022 جىلعى قاڭتار-قازاندا 1،4%-عا ءوستى، دەپ حابارلادى Almaty-akshamy.kz كازتاگقا سىلتەمە جاساپ.
«قازاقستاندا ونەركاسىپ ءوندىرىسىنىڭ يندەكسى 2022 جىلعى قاڭتار-قازاندا 2021 جىلدىڭ سايكەس كەزەڭىمەن سالىستىرعاندا 1،4%-عا ءوستى»، - دەلىنگەن ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ حابارلاماسىندا.
ستاتيستيكالىق اقپارعا سايكەس، 2021 جىلعى قاڭتار-قازانمەن سالىستىرعاندا، ءتۇستى مەتالدار كەنى ءوندىرىسىنىڭ 7،8%-عا، كومىردى ءوندىرۋ 1،6%-عا، سۋسىندار 8،9%-عا، تەمەكى ونىمدەرى 2،7%-عا، جەڭىل ونەركاسىپ 7،8%-عا، حيميا 0،6%-عا جانە مەتاللۋرگيا ونەركاسىبى 4،4%-عا، رەزەڭكە جانە پلاستماسسا بۇيىمدارى 4%-عا ءوسۋى بايقالدى.
ەسكە سالساق، 2022 جىلدىڭ قاڭتار-قازانىندا قازاقستاندا مۇناي ءوندىرىسى 2،4%-عا، گاز كوندەنساتى 3،6%-عا، تابيعي گاز 1،5%-عا وسكەنى بايقالادى.