الماتىدا اۋەدەن ەرەكشە كورىنەتىن ب ا ق پايدا بولدى

ب ا ق قالانىڭ حالىقارالىق اۆياسيالىق كودى - ALA ارىپتەرى پىشىنىندە جاسالعان.

3 گەكتاردان اسا القاپقا بيىكتىگى ەكى مەترلىك 2،5 مىڭ ءتۇپ ارشا وتىرعىزىلعان، دەپ حابارلايدى Almaty-akshamy.kz

الماتىدا قالانىڭ حالىقارالىق كودى – ALA جازۋىن كورسەتەتىن ب ا ق پايدا بولدى. بۇل ب ا ق الاتاۋ اۋدانىندا، مومىش ۇلى كوشەسىنىڭ شىعىسىنا، موڭكە بي، كوشەسىنىڭ سولتۇستىگىنە قاراي جەو-2 اۋماعىنىڭ سانيتارلىق-قورعاۋ ايماعىندا ورنالاسقان. 3،36 گا اۋماققا بيىكتىگى 2 مەتر بولاتىن 2500 ءتۇپ قىلقان جاپىراقتى ارشا كوشەتى وتىرعىزىلدى.

ۇيىمداستىرۋشىلار بىرەگەي ب ا ق گيننەستىڭ رەكوردتار كىتابىنا اعاشتان جازىلعان ەڭ ۇلكەن ءسوز رەتىندە كىرۋى مۇمكىن دەپ وتىر.

يدەيا اۆتورى – قوعام قايراتكەرى، پروديۋسەر، بۇعان دەيىن عالامشاردىڭ 193 ەلىن «الەم سۋرەتى» حالىقارالىق الەۋمەتتىك ارت جوباسىنا بىرىكتىرگەن ءداۋىت شايحيسلاموۆ.

18 قاراشادا الماتى قالاسىنىڭ اكىمدىگى مەن قوعام قايراتكەرلەرى اعاش وتىرعىزۋ جۇمىسىن اياقتايدى.

ارىپتەر فورماسىنداعى ب ا ق اۋە كەمەسى قونۋعا دايىندالعاندا جولاۋشىلارعا كورىنەتىندەي ەتىپ وتىرعىزىلعان. ۇيىمداستىرۋشىلاردىڭ ايتۋىنشا، بۇل ب ا ق عارىشتان دا كورىنەدى ەكەن.

«ءبىز دۇنيەجۇزىلىك تاريحتا قالۋعا تىرىسامىز. بۇل بىرەگەي ورىن گيننەستىڭ رەكوردتار كىتابىنا ەڭ ۇلكەن ءسوز رەتىندە كىرە الادى»، - دەيدى جوبا اۆتورى ءداۋىت شايحيسلاموۆ.