كوپ جاعدايدا كەنشىلەر مەن قۇرىلىسشىلار زارداپ شەگەدى.
وسى جىلدىڭ التى ايىندا جازاتايىم وقيعالاردىڭ ناتيجەسىندە 691 قىزمەتكەر زارداپ شەگىپ،ونىڭ 78ء-ى قايتىس بولعان، دەپ حابارلايدى Almaty-akshamy.
«وسىلايشا، وندىرىستىك جاراقاتتانۋ دەڭگەيى 2020 جىلدىڭ ۇقساس كەزەڭىمەن سالىستىرعاندا 2،8% - عا ءوستى (وتكەن جىلدىڭ 6 ايىندا 672 ادام زارداپ شەكتى). بۇل رەتتە وندىرىستىك جاراقاتتانۋدان قازا تابۋ جاعدايلارى 9،3% - عا تومەندەدى (2020 جىلعى 6 ايدا وندىرىستە 86 ادام قازا تاپتى)»، –دەلىنگەن قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىءنىڭ باسپا ءسوز قىزمەتىنىڭ حابارلاماسىندا.
مامانداردىڭ دەرەگى بويىنشا، وندىرىستىك جاراقاتتانۋدىڭ جوعارى دەڭگەيى بۇرىنعىداي قاراعاندى (139 ادام زارداپ شەكتى)، شىعىس قازاقستان (82 ادام)، اقتوبە (56 ادام)، پاۆلودار (54 ادام)، قوستاناي (49 ادام)، تۇركىستان (37 ادام) وبلىستارىندا جانە الماتى قالاسىندا (42 ادام) ساقتالۋدا.
ەكونوميكا سالالارى بويىنشا زارداپ شەككەندەردىڭ ەڭ كوپ سانى تاۋ-كەن-مەتاللۋرگيا كەشەنىنىڭ كاسىپورىندارىندا – 134 ادام (19،4%) جانە قۇرىلىس سالاسىندا – 80 ادام (11،6%) بايقالادى.