قازاقستاندا وندىرىستەگى جازاتايىم وقيعالاردان بولاتىن ءولىم-جىتىم 12،3%-كە تومەندەدى، دەپ حابارلايدى almaty-akshamy.kz
ق ر ەڭبەك جانە حالىقتى الەۋمەتتىك قورعاۋ مينيسترلىگى ەڭبەك، الەۋمەتتىك قورعاۋ جانە كوشى-قون كوميتەتىنىڭ دەرەكتەرى بويىنشا، اعىمداعى جىلدىڭ سەگىز ايىندا وندىرىستەگى جازاتايىم وقيعالاردىڭ ناتيجەسىندە 938 قىزمەتكەر زارداپ شەكتى، ونىڭ 114ء-ى قايتىس بولدى.
وسىلايشا، وندىرىستىك جاراقاتتانۋ دەڭگەيى 2020 جىلدىڭ ۇقساس كەزەڭىمەن سالىستىرعاندا 2،9%-كە ءوستى (وتكەن جىلدىڭ 8 ايىندا 912 ادام زارداپ شەكتى). بۇل رەتتە وندىرىستىك جاراقاتتانۋدان قازا تابۋ جاعدايلارى 12،3%-كە تومەندەدى (2020 جىلى وسى كەزەڭدە وندىرىستە 130 ادام قازا تاپتى).
وندىرىستىك جاراقاتتانۋدىڭ جوعارى دەڭگەيى بۇرىنعىداي قاراعاندى (169 ادام زارداپ شەكتى)، شىعىس قازاقستان (111 ادام)، پاۆلودار (77 ادام)، قوستاناي (73 ادام)، اقتوبە (72 ادام) وبلىستارىندا ساقتالۋدا. ەكونوميكا سالالارى بويىنشا زارداپ شەككەندەردىڭ ەڭ كوپ سانى تاۋ-كەن-مەتاللۋرگيا كەشەنىنىڭ كاسىپورىندارىندا – 134 ادام (19،4%) جانە قۇرىلىس سالاسىندا – 80 ادام (11،6%) بايقالادى.