لاس-ۆەگاستا 6 قاراشادا وتەتىن مەكسيكاندىق ساۋل «كانەلو» الۆارەس پەن اقش وكىلى كالەب پلانت اراسىندا جەكپە-جەككە ارنالعان ءباسپاوز ءماسليحاتىندا قوس قارسىلاس توبەلەسىپ قالدى، دەپ حابارلايدى almaty-akshamy.kz Sports.kz سايتىنا سىلتەمە جاساپ.
ءبىر-بىرىن كوزبەن اتىسقان كەزدە قارسىلاستار سوزگە كەلىپ قالدى. «كانەلو» ءوزىنىڭ وپپونەنتىن يتەرىپ جىبەردى، ال ول ءوز كەزەگىندە سوققىعا جۇگىندى. بوكسشىلار اراسىندا كىشىگىرىم توبەلەس بولدى، ولاردى كوماندا مۇشەلەرى ايىرىپ الدى. سۋرەتتەردەن پلانتتىڭ بەتىنە تىرتىق تۇسكەنىن بايقاۋعا بولادى.
«بۇل تىرتىق مەنىڭ كۇننەن قورعايتىن كوزىلدىرىگىمنەن بولدى. مەن كوزىلدىرىك كيگەن ەدىم. بولعان نارسە بولدى. بۇل بار بولعانى بەتتەگى كىشكەنە سىزات»، - دەدى ءوزىنىڭ جاراقاتى تۋرالى كالەب.
ەسكە سالا كەتەيىك، «كانەلو» مەن پلانتتىڭ جەكپە-جەگى 6 قاراشا كۇنى لاس-ۆەگاستا 09:15-تە باستالادى.