احات فۋنكسيالارى مەملەكەتتىك كورپوراسياعا بەرىلگەننەن كەيىن قىزمەت كورسەتۋ ءتارتىبى تۋرالى الماتى قالاسىنىڭ وڭىرلىك كوممۋنيكاسيالار قىزمەتى الاڭىندا وتكەن بريفينگتە الماتى قالاسى بويىنشا «ازاماتتارعا ارنالعان ۇكىمەت» مەملەكەتتىك كورپوراسياسىنىڭ وكىلدەرى ايتتى، دەپ حابارلايدى almaty-akshamy.kz
نەكەنى تىركەۋگە وتىنىشتەردى قابىلداۋ، وڭدەۋ، سونداي-اق شەشىمدەر قابىلداۋ جانە ناتيجەلەردى بەرۋدى احات ورگاندارى اتقارادى.
«ەستەرىڭىزگە سالا كەتەيىك، 1 شىلدەدەن باستاپ احات فۋنكسيالارى مەملەكەتتىك كورپوراسياعا بەرىلەتىن بولادى. بۇل رەتتە نەكەنى تىركەۋ ءۇشىن ءوتىنىش بەرۋ ءراسىمى وزگەرىسسىز قالادى. ولار اۋداندىق جانە قالالىق احات بولىمدەرى ورىندايدى. بۇدان باسقا، ەلەكتروندىق ۇكىمەت پورتالى ارقىلى ونلاين ءوتىنىش بەرۋ مۇمكىندىگى ساقتالادى»، - دەدى الماتى قالاسى بويىنشا «ازاماتتارعا ارنالعان ۇكىمەت» مەملەكەتتىك كورپوراسياسى فيليالى ديرەكتورىنىڭ ورىنباسارى اسەم بولاتبەكوۆا.
سپيكەردىڭ سوزىنشە، احات فۋنكسياسىن حقو-لارعا بەرۋدىڭ باستى سەبەبى - سيفرلاندىرۋعا كوشى پروسەسىن جۇززەگە اسىرۋ.
«احاج فۋنكسيالارىنىڭ مەملەكەتتىك كورپوراسياعا بەرىلۋىنىڭ باستى سەبەپتەرىنىڭ ءبىرى – احات ەلەكتروندىق بازاسىندا جۇرگىزىلگەن سيفرلاندىرۋدىڭ ساپاسىزدىعى. اتاپ ايتقاندا، ساپاسىز سكانەرلەنگەن قۇجاتتار، قاتە دەرەكتەر ەنگىزۋ، وزگەرىستەر تىركەلمەگەن. ايتا كەتۋ كەرەك، قۇجاتتار 1937 جىلدان باستاپ سكانەرلەنىپ، بازاعا ەنگىزىلىپ كەلەدى»، - دەپ تولىقتىردى ول.
سيفرلاندىرۋمەن ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى مەن مەملەكەتتىك كورپوراسيا قىزمەتكەرلەرى اينالىساتىن بولادى. بۇل ادامداردى ارتىق قۇجاتتارمەن اۋرەلەمەي، مەكەمەدەن مەكەمەگە جۇگىرتپەي-اق مەملەكەتتىك ورگاندار اقپارات الا الاتىن، تازا، وزەكتى دەرەكتەر بانكىن قۇرۋعا مۇمكىندىك بەرەدى.
ايتا كەتەيىك، نەكەگە تۇرعىسى كەلەتىندەر تىركەۋشى ورگانعا جەكە باسىن كۋالاندىراتىن قۇجاتتارمەن بىرگە كەلۋى كەرەك. بۇل نەكەنى تىركەۋدىڭ بەلگىلەنگەن كۇنىندە جاسالۋى قاجەت. ءوتىنىش بەرگەن كەزدە كليەنت نەكە قيۋدى سالتاناتتى تۇردە نەمەسە مۇلدەم جاساماۋدى تاڭداي الادى.
ايتا كەتۋ كەرەك، نەكەنى تىركەۋ (نەكەنى تىركەۋگە وتىنىشتەردى قابىلداۋ، وڭدەۋ، شەشىم قابىلداۋ جانە ناتيجە شىعارۋ) احات بولىمدەرىندە قولدانىستاعى تارتىپپەن جۇزەگە اسىرىلادى. تيىسىنشە، حقكو-لاردا سالتاناتتى تىركەۋ جۇرگىزىلمەيدى.
«نەكەگە تۇرعان ادامدار ءوز قالاۋى بويىنشا سالتاناتتى جاعدايدا تىركەۋشى ورگانداردىڭ ارنايى جابدىقتالعان ورىندارىندا نەمەسە ارنايى تاعايىندالعان مەملەكەتتىك نەكە سارايلارىندا تىركەلە الادى. كۋالىك بەرۋدىڭ ناقتى ۋاقىتى مەن وسى ءراسىمدى سالتاناتتى جاعدايدا وتكىزۋ شارتى ءوتىنىش بەرگەن كەزدە الدىن الا كەلىسىلەتىنىن اتاپ وتەمىز. نەكەنى سالتاناتتى جاعدايدا تىركەۋ مىندەتتى ءراسىم بولىپ تابىلمايدى جانە تاراپتاردىڭ قالاۋى بويىنشا جۇزەگە اسىرىلادى»، - دەپ ءتۇسىندىردى ءا.بولاتبەكوۆا.
سونىمەن قاتار، احات قىزمەتتەرىن تەك قانا تىركەۋشى ورگاننىڭ قىزمەتكەرلەرى كورسەتەدى. حقكو وپەراتورلارىن قوسا العاندا، مەملەكەتتىك كورپوراسيانىڭ باسقا قىزمەتكەرلەرى احات اقپاراتتىق جۇيەسىنە قول جەتكىزە المايدى. جەكە ءومىر، جەكە وتباسىلىق ءومىرى مەن وتباسىلىق قۇپياسى زاڭنىڭ قورعاۋىندا بولادى.
«ايتپاقشى، قىزمەت كورسەتۋ ستاندارتتارى، ولاردى قاراۋ ءتارتىبى مەن مەرزىمدەرى وزگەرىسسىز قالادى. بۇدان باسقا، مەملەكەتتىك كورپوراسيادا احات قىزمەتكەرلەرىنە جۇكتەمەنى ازايتۋعا مۇمكىندىك بەرەتىن قوسىمشا شتاتتىق بىرلىكتەر قاراستىرىلعان»، - دەپ اتاپ ءوتتى سپيكەرلەر.
تاريفتەرگە كەلەتىن بولساق، احات-تا تەگىن ءارى اقىلاي قىزمەتتەر بار. مىسالى، 1 شىلدەدەن باستاپ نەكەنى تىركەۋ 3874 تەڭگە، ال ءوزارا كەلىسىم بويىنشا نەكەنى بۇزۋ 7728 تەڭگە بولادى. تۋۋدى، ءولىمدى تىركەۋ سياقتى الەۋمەتتىك ماڭىزدى قىزمەتتەر تەگىن قالادى.