بيىل قاڭتار-تامىز ايلارىندا نان ءوندىرىسى 342،4 مىڭ توننانى قۇرادى. بۇل – وتكەن جىلمەن سالىستىرعاندا 3%-عا از.
سەكتورداعى شىعارىلىمنىڭ تورتتەن ءبىر بولىگى تۇركىستان وبلىسىنا تيەسىلى: 81،7 مىڭ توننا. ۇشتىكتە الماتى مەن اقتوبە وبلىسى دا بولدى، دەپ حابارلايدى Almaty-akshamy.kz. Elorda.info-عا سىلتەمە جاساپ.
قىركۇيەك ايىنىڭ قورىتىندىسى بويىنشا، نان قۇنى وتكەن جىلدىڭ قىركۇيەگىمەن سالىستىرعاندا 19،4%-عا ءوستى. قارا بيداي نانىنىڭ باعاسى 24،7%-عا، جوعارى سۇرىپتى ۇننان جاسالعان بيداي نانى — 28،2%-عا، ءبىرىنشى سۇرىپتى ۇننان جاسالعان بيداي نانى -14،4%-عا، كەسىلگەن نان - 28،1%-عا ءوستى. ۇلىتاۋ وبلىسىندا باعالار ايتارلىقتاي ءوستى: بىردەن 48،3%-عا كوتەرىلدى. ودان كەيىن اقمولا وبلىسى جانە الماتى، سولتۇستىك قازاقستان وبلىسىندا باعانىڭ ەڭ تومەن جىلدىق ءوسۋى تىركەلدى.
قازاقستاندىقتار جوعارى سۇرىپتى ۇننان جاسالعان ناندى 341 تەڭگەگە، ءبىرىنشى سۇرىپتى ۇننان جاسالعان ناندى 195 تەڭگەگە ساتىپ الدى.
ەكىنشى توقسانىنىڭ قورىتىندىسى بويىنشا، ەلىمىزدە جان باسىنا شاققاندا ورتاشا تۇتىنۋ ءبىرىنشى سۇرىپتى بيداي ۇنىنان 7،5 كگ جانە قارا بيداي ۇنىنان 646 گ نان قۇرادى.
بيداي ۇنىنان جاسالعان ناندى قالالىقتار اۋىل تۇرعىندارىنا قاراعاندا از تۇتىنادى، ال قارا بيداي ۇنىنان جاسالعان ناندى قالا تۇرعىندارى كوبىرەك ساتىپ الادى.