قازاقستاندا مۇنايدان تۇسەتىن پايدا كولەمى ارتتى – قارجى مينيسترلىگى

وسى جىلدىڭ سەگىز ايىندا مۇنايعا ەكسپورتتىق-كەدەندىك باج بويىنشا تۇسىمدەر سوماسى 1،1 ترلن تەڭگەدەن اسقان

قازاقستان ەكونوميكاسىنا مۇناي ەكسپورتىنان تۇسەتىن تۇسىمدەر ايتارلىقتاي ءوستى. بۇل تۋرالى Almaty-akshamy.kz LS اگەنتتىگىنە سىلتەمە جاساپ حابارلايدى.

قارجى مينيسترلىگىنىڭ مالىمەتىنشە، وسى جىلدىڭ سەگىز ايىندا مۇنايعا ەكسپورتتىق-كەدەندىك باج بويىنشا تۇسىمدەر سوماسى 1،1 ترلن تەڭگەدەن استى. بۇل وتكەن جىلدىڭ سايكەس كەزەڭىمەن سالىستىرعاندا 526 ملرد تەڭگەگە نەمەسە 1،9 ەسە كوپ. ول كەزدە تۇسىمدەر نەبارى 603،1 ملرد تەڭگەنى قۇرادى.

ەستەرىڭىزگە سالا كەتەيىك، بۇعان دەيىن ۇلتتىق ەكونوميكا مينيسترلىگىندە ەلدىڭ ۇلتتىق قورى قىمباتتاعان مۇنايمەن قانشالىقتى وسەتىنىن بولجاعان بولاتىن. مىسالى، اعىمداعى جىلعى ناقتىلانعان بيۋدجەتتە ۇلتتىق قورعا تۇسىمدەر مۇناي باعاسى باررەلىنە 9 90 بولعاندا 3،9 ترلن تەڭگەنى قۇرايدى. قارا التىنعا ەكسپورتتىق كەدەندىك باج رەسپۋبليكالىق بيۋدجەتتە 1،8 ترلن تەڭگە دەڭگەيىندە بولجانادى.

وسى ۋاقىتتا Brent قۇنى باررەلىنە 90 دوللاردان تومەن ءتۇستى. استانا ۋاقىتى بويىنشا ساعات 12:00-دە قاراشا فيۋچەرستەرى باررەلىنە $88،38-دان ساتىلدى. قارا التىننىڭ باعاسى ەلدەردىڭ ءبىرقاتار ورتالىق بانكتەرىنىڭ مولشەرلەمەلەرiنiڭ ءوسۋى اياسىندا سۇرانىس بويىنشا كۇتۋلەردىڭ تومەندەۋىنە بايلانىستى تومەندەيدى. ونىڭ ىشىندە اقش، ۇلىبريتانيا، شۆەيساريا ەلدەرi بار.