قازاقستاندا مۇگەدەكتىكتى تاعايىنداۋ پروسەسى جاڭارادى

پرواكتيۆ قىزمەت تۇرىنە اۋىستى.

قازاقستاندا مۇگەدەكتىكتى تاعايىنداۋ پروسەسى قايتا قارالىپ، جاڭارادى. بۇل تۋرالى ەڭبەك جانە حالىقتى الەۋمەتتىك قورعاۋ ۆيسە-مينيسترى ەربول وسپانوۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«بىلتىر 1 قازاننان باستاپ مۇگەدەكتىكتى بەلگىلەۋ پرواكتيۆ قىزمەت تۇرىنە اۋىستى. ازامات مۇگەدەك ەكەنىن دالەلدەۋ ءۇشىن، الدىمەن مەديسينالىق تەكسەرۋدەن وتەدى. مەديسينالىق تەكسەرۋدىڭ ناتيجەسىنە قاراي، وعان مۇگەدەكتىك بەرىلەدى نەمەسە باس تارتىلادى. ەگەر راستالسا، ول ازاماتقا جاردەماقى تاعايىندالادى. سونىمەن قاتار، مۇگەدەك جانعا وڭالتۋ قۇرالدارى مەن شيپاجاي ەمى قاجەت. ول قىزمەتتى مۇگەدەك اكىمدىكتەن الادى. وسى ورايدا، ءوزى دەنساۋلىعىنان ايرىلعان ازامات، ءبىز ونى ءارتۇرلى مەملەكەتتىك ورگاندارعا جۇگىرتىپ قويساق. ارينە، بۇل دۇرىس ەمەس. سوندىقتان، اتالعان مۇگەدەكتىكتى راستاۋ پروسەسى پرواكتيۆ قىزمەت تۇرىنە اۋىستىرىلدى»، - دەدى ەربول وسپانوۆ ورتالىق كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا.

سونداي-اق، ۆيسە-مينيستر مۇگەدەكتىكتى تاعايىنداۋ پروسەسى قايتا قارالىپ، جاڭاراتىنىن ايتتى.

«جىل سايىن 250 مىڭ ازامات مۇگەدەكتىگىن راستاپ نەمەسە قايتا راستاۋدان ءوتىپ جاتادى. سونىڭ 21 پايىزى پرواكتيۆتى تۇردە راستالدى، ياعني ەشقايدا بارماي-اق مۇگەدەك رەتىندە تىركەلدى. ەندى ازاماتتار مۇگەدەكتىگىن راستاۋ ءۇشىن بۇرىنعىداي جۇگىرمەيدى، قاعازباستىلىق جويىلىپ، ادامي فاكتور ازايدى»، - دەيدى ول.