تەستىلەۋدىڭ ءوزى 10 قاڭتار مەن 10 اقپان ارالىعىندا وتەدى.
قاڭتار ايىندا وتەتىن ۇبت-عا قاتىسۋ ءۇشىن ءوتىنىش قابىلداۋ 20 جەلتوقساندا باستالىپ، 6 قاڭتارعا دەيىن جالعاسادى، دەپ حابارلايدى Almaty-akshamy.kz قازاقپاراتقا سىلتەمە جاساپ حابارلايدى.
ۇبت-عا تىركەلۋ ۇلتتىق تەستىلەۋ ورتالىعىنىڭ app.testcenter.kz. سايتىندا جۇرگىزىلەدى. تەستىلەۋدىڭ ءوزى 10 قاڭتار مەن 10 اقپان ارالىعىندا وتەدى. ازاماتتار تەستىلەۋ وتكىزىلەتىن ورىندى، كۇندى جانە ۋاقىتتى وزدەرى تاڭدايدى. ۇبت-2023 فورماتىندا وزگەرىستەر جوق. الايدا، «قازاقستان تاريحى» (20 سۇراق) جانە «وقۋ ساۋاتتىلىعى» (15 سۇراق) پاندەرىنىڭ تەست تاپسىرمالارى سانىنا وزگەرىستەر ەنگىزىلدى.
«قاڭتاردان باستاپ «ينفورماتيكا مۇعالىمدەرىن دايارلاۋ»، «اقپاراتتىق تەحنولوگيالار»، «اقپاراتتىق قاۋىپسىزدىك» ءبىلىم بەرۋ باعدارلامالارى توپتارىنا تۇسۋشىلەر ۇبت-نى «ماتەماتيكا-ينفورماتيكا» كومبيناسياسى بويىنشا تاپسىرادى. تەستىلەۋگە دايىندىقتى جاقسارتۋ ماقساتىندا ءبىز وقۋ جىلىنىڭ باسىندا ينفورماتيكا بويىنشا ۇبت-دا كەزدەسەتىن تەرميندەر ءتىزىمىن جاريالادىق»، – دەدى ق ر عجبم ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.