2024 جىلى مۇگەدەكتىگى بار ادامداردىڭ قۇقىعىن قامتاماسىز ەتۋ جانە تۇرمىس جاعدايلارىن جاقسارتۋ جونىندەگى 2019 جىلى باستالعان ۇلتتىق جوسپاردى ىسكە اسىرۋ اياقتالدى. قۇجات 10 باعىت بويىنشا 95 ءىس-شارانى قامتىدى، دەپ حابارلايدى aqshamnews.kz
وڭالتۋدىڭ تەحنيكالىق قۇرالدارىنىڭ يننوۆاسيالىق فابريكاسى ىسكە قوسىلدى، ونىڭ شەڭبەرىندە ءتورت پيلوتتىق وڭىردەن كەلگەن بالالار قىمبات تەحنيكالىق قۇرالدارعا قول جەتكىزدى. سونىمەن قاتار 22 مىڭنان استام نىسان بەيىمدەلدى، بۇل مۇگەدەكتىگى بار جاندار ءۇشىن ينفراقۇرىلىمعا قول جەتكىزۋدى ەداۋىر جاقسارتتى.2024 جىلى 2030 جىلعا دەيىن جۇمىس ىستەيتىن ينكليۋزيۆتى ساياسات تۇجىرىمداماسىنىڭ جوباسى جاسالدى. ول مۇگەدەكتىگى بار ادامداردىڭ قۇقىعىن ىسكە اسىرۋدى جانە ولاردىڭ قوعامعا تولىققاندى ينتەگراسيالانۋىن قامتاماسىز ەتە وتىرىپ، مۇگەدەكتىكتىڭ مەديسينالىق-الەۋمەتتىك مودەلىنەن الەۋمەتتىك-قۇقىق قورعاۋ مودەلىنە كوشۋ ءۇشىن جاعداي جاساۋعا باعىتتالعان.
