قازاقستاندا سيرەك كەزدەسەتىن جەر ەلەمەنتتەرىن يگەرۋ ءۇشىن بريتان تەحنولوگيالارى تارتىلادى.
لوندوندا مينەرالداردى يگەرۋ سالاسىندا ىنتىماقتاستىقتى نىعايتۋ ءۇشىن «جول كارتاسىنا» قول قويىلدى، دەپ حابارلايدى Almaty-akshamy.kz.
مەملەكەت باسشىسى ەلدەگى سيرەك مەتالداردى يگەرۋدى ۇكىمەتكە تاپسىرعان بولاتىن. بۇل مىندەتتى جۇزەگە اسىرۋ ءۇشىن جاڭا تەحنولوگيالار قاجەت. الداعى ۋاقىتتا قازاقستان ۇكىمەتى بريتانيالىق ارىپتەستەرىمەن بايلانىستى ارتتىرماق.
«سيرەك جەر ەلەمەنتتەرى وتە كوپ.18 ەلەمەتىمىز بار. تەحنولوگيالار جوق، ءبىراق پايدالى قازبالار بار. ول ءۇشىن تەحنولوگيالار كەرەك»، - دەيدى ق ر ونەركاسىپ جانە قۇرىلىس ۆيسە-مينيسترى شارحان يران.
ءبىر جىل بۇرىن ۇلىبريتانيانىڭ سىرتقى ىستەر ءمينيسترى دجەيمس كليەۆەرلي قازاقستانعا ىسساپارمەن كەلىپ، ماڭىزدى مينەرالدار سالاسىنداعى ىنتىماقتاستىق تۋرالى مەموراندۋمعا قول قويعانى بەلگىلى. بۇگىنگى «جول كارتاسى» سول كەلىسىمنىڭ جالعاسى.
«جول كارتاسىنىڭ جۇزەگە اسۋى ناتيجەسىندە قازاقستاندا بريتانيالىق كومپانيالار كوكجيەكتەرىن كەڭەيتىپ، تاجىريبەلەرىمەن بولىسەدى دەگەن زور ۇمىتتەمىز»، - دەيدى ۇلىبريتانيانىڭ ونەركاسىپ جانە ەكونوميكالىق قاۋىپسىزدىك ءمينيسترى نۋسرات گاني.