الماتى اكىمدىگىندە جەر سىلكىنىسى سالدارىنان زاقىمدانعان عيمارات بويىنشا قايدا جۇگىنۋ كەرەكتىگى ءتۇسىندىرىلدى
الماتى اكىمدىگىندە جەر سىلكىنىسى سالدارىنان عيماراتتىڭ زاقىمدانۋى انىقتالعان كەزدەگى ءىس-قيمىل الگوريتمى ايتىلدى. ماسەلەن، اۋداندىق اكىمدىكتەر جانىندا تجد، مكك، اۋداندىق ساۋلەتشىلەر مەن باسقا دا ۋاكىلەتتى ورگان وكىلىنەن تۇراتىن كوميسسيا توبى جۇمىس ىستەيدى. قۇرىلىسقا قانداي دا ءبىر زاقىم كەلگەن جاعدايدا قالا تۇرعىندارى فوتوماتەريالدارىمەن قوسا اۋدان اكىمدىگىنە وتىنىشپەن جۇگىنۋى قاجەت.
بۇدان ءارى كوميسسيا مۇشەلەرى ءوتىنىش نەگىزىندە زاقىمدانۋ دەڭگەيىن الدىن الا انىقتاۋ ءۇشىن عيماراتقا كوشپەلى تەكسەرۋ جۇرگىزەدى. ياعني، ولار تىرەك قۇرىلىمدارىنىڭ بۇزىلۋىنىڭ دالەلى مە، الدە توبەلەر، سىلاق، پليتكا جانە قاسبەتتى ارلەۋ سياقتى ارلەۋ ماتەريالدارىنىڭ ەلەمەنتتەرىنە قاتىستى ما ەكەنىن انىقتايدى.
اۋداندىق كوميسسيالاردىڭ بارلىق ماتەريالى قالالىق جوسپارلاۋ جانە ۋربانيستيكا باسقارماسىندا جيناقتالادى. سودان كەيىن قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتىنا (قازقسعزي) جىبەرىلەدى.
ءوز كەزەگىندە قازقسعزي ماماندارى بەلگىلى ءبىر وبەكتىنىڭ زاقىمدانۋ سەبەبى مەن دارەجەسى تۋرالى قورىتىندى بەرەدى.
قالپىنا كەلتىرۋ جۇمىسىن قارجىلاندىرۋعا قاتىستى ايتىلار بولسا، الەۋمەتتىك نىساندار بۇلىنگەن جاعدايدا بارلىق جوندەۋ جۇمىسى بيۋدجەت قاراجاتى ەسەبىنەن جۇرگىزىلمەك.
كوپپاتەرلى تۇرعىن ۇيلەردىڭ ارلەۋ ەلەمەنتتەرى زاقىمدانعان جاعدايدا جوندەۋ جۇمىسىن كوندومينيۋم قاراجاتى ەسەبىنەن جۇرگىزۋ قاجەت. عيماراتتاردىڭ تۇتاستىعىنا ءقاۋىپ توندىرەتىن زاقىم انىقتالعان جاعدايدا قالپىنا كەلتىرۋ جۇمىسىنا قاراجات مەملەكەتتىك ورگانداردىڭ بيۋدجەتىنەن بولىنەدى.