قازاقستاندا «Microsoft»-تىڭ ايماقتىق حابىنىڭ قۇرىلۋى ماڭىزعا يە
سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى مەن قازاقستان رەسپۋبليكاسىنىڭ سان-فرانسيسكو قالاسىنداعى (اقش) باس كونسۋلدىعىنىڭ بىرلەسكەن جۇمىسىنىڭ ناتيجەسىندە «Microsoft» كورپوراسياسىمەن قازاقستان اۋماعىندا ورنالاساتىن مۋلتيايماقتىق حاب اشۋ تۋرالى ۋاعدالاستىققا قول جەتكىزىلدى.
بۇل تۋرالى سيفرلىق دامۋ ءمينيسترى باعدات ءمۋسيننىڭ جانە Microsoft-تىڭ قازاقستانداعى باس ديرەكتورى سەرگەي لەششەنكومەن ەكىجاقتى كەزدەسۋى بارىسىندا بەلگىلى بولدى، دەپ حابارلايدى Almaty-akshamy.kz Egemen.kz-كە سىلتەمە جاساپ.
حاب قىزمەتى ورتالىق ازيا، ازەربايجان، ارمەنيا، گرۋزيا، موڭعوليا جانە پاكىستان ەلدەرىن قامتيدى.
«Microsoft قىزمەتىن لوكاليزاسيالاۋ قازاقستانعا ايماقتىق اۋقىمدا تەحنولوگيالار مەن وزىق شەشىمدەردى تارتۋ ورتالىعىنا اينالۋعا مۇمكىندىك بەرەدى. وسىلايشا، حاب Microsoft كورپوراسياسىنىڭ تەحنولوگيالىق دامۋ جانە يننوۆاسيالار ورتالىعى بولا وتىرىپ، شيكىزاتتىق ەمەس تەحنولوگيالىق سالالاردىڭ ونىمدەرىن ءوندىرۋ مەن ەكسپورتتاۋدى ىنتالاندىرۋ ارقىلى ادامي كاپيتالدى دامىتۋ جانە ۇلتتىق ەكونوميكانى نىعايتۋدىڭ درايۆەرى بولا الادى»، - دەپ اتاپ ءوتتى سيفرلىق دامۋ ءمينيسترى باعدات مۋسين.
«قازاقستاندا «Microsoft»-تىڭ ايماقتىق حابىنىڭ قۇرىلۋى ماڭىزعا يە. ەلدەرىڭىزدە ءتيىستى ينفراقۇرىلىم بار. ءبىز قۋانا-قۋانا بىرلەسكەن جوبالاردى ىسكە اسىرىپ، سىزدەرمەن جۇمىس ىستەگىمىز كەلەدى»، - دەپ اتاپ ءوتتى Microsoft كومپانياسىنىڭ قازاقستان بويىنشا باس ديرەكتورى سەرگەي لەششەنكو.
ەستەرىڭىزگە سالا كەتەيىك، وتكەن جىلدىڭ قىركۇيەك ايىندا قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ بۇۇ باس اسسامبلەياسىنىڭ نيۋ-يورك قالاسىندا وتكەن 77-سەسسياسىنا قاتىسۋ ءۇشىن جاساعان ساپارى اياسىندا «Microsoft» كورپوراسياسىنىڭ ورتالىق جانە شىعىس ەۋروپا بويىنشا باس ديرەكتورى ميشەل سيممونسپەن كەزدەسۋى ءوتتى. كەزدەسۋ اياسىندا ودان ءارى ىنتىماقتاستىق ورناتۋ، اتاپ ايتقاندا، قازاقستاندىق كەڭسەنى وڭىرلىك حابقا دەيىن كەڭەيتۋ ماسەلەلەرى تالقىلاندى.