يمانعالي تاسماعامبەتوۆ قىزمەتىنەن كەتتى

فەدەراسيانىڭ جاڭا پرەزيدەنتى قازاقستاندا گولفتى دامىتۋمەن جانە ناسيحاتتاۋمەن اينالىسۋعا نيەتتى

"قازاقستان گولف فەدەراسياسىنىڭ" جاڭا پرەزيدەنتى بولىپ يمانعالي تاسماعامبەتوۆتىڭ ورنىنا كاسىپكەر بەرىك قانييەۆ تاعايىندالدى، دەپ حابارلايدى Almaty-akshamy.kz El.kz-كە سىلتەمە جاساپ.

بەرىك قانييەۆ – قازاقستاندىق كاسىپكەر جانە قوعام قايراتكەرى. ول "Lancaster Group Kazakhstan" كومپانياسى ديرەكتورلار كەڭەسىنىڭ ءتوراعاسى، سونداي-اق ءبىلىم بەرۋ، سپورت جانە ەكولوگيا سالاسىنداعى ءبىرقاتار الەۋمەتتىك جوبالاردىڭ قۇرىلتايشىسى. ولاردىڭ قاتارىندا "Jas Qyran" فۋتبول ورتالىعى، رەسپۋبليكالىق فيزيكا-ماتەماتيكا مەكتەبى، فيزمات ەنداۋمەنت قورى جانە "Air Vision" ەكوفوندى بار. سونداي-اق، مەسەنات رەتىندە "IQanat" جانە "انالار ءۇيى" جوبالارىن قارجىلاندىرادى.

فەدەراسيانىڭ جاڭا پرەزيدەنتى قازاقستاندا گولفتى دامىتۋمەن جانە ناسيحاتتاۋمەن اينالىسۋعا نيەتتى. سونىمەن قاتار، وسى وليمپيادالىق سپورت تۇرىنە جاستاردى تارتۋ ءۇشىن بالالار مەن جاسوسپىرىمدەر گولفىن دامىتۋدى جوسپارلاپ وتىر.

ايتا كەتەيىك، يمانعالي تاسماعامبەتوۆ قازاقستان گولف فەدەراسياسىنىڭ پرەزيدەنتى بولىپ بىلتىرعى جىلدىڭ مامىر ايىندا سايلانعان. ول بۇعان دەيىنگى باسشىسى نۇرتاي ابىقايەۆتى الماستىرعان.

ەلىمىزدە گولف فەدەراسياسى 2006 جىلى قۇرىلعان. سودان بەرى سپورتتىڭ وسى تۇرىنەن استانادا گولف كلۋبى اشىلىپ، «Ambassador'sCup» ءتۋرنيرى وتكىزىلە باستاعان. وعان قازاقستاننىڭ ساياسي قايراتكەرلەرى، شەتەلدىك بيزنەس-قاۋىمداستىقتىڭ جانە ەلىمىزدە تىركەلگەن ديپلوماتيالىق كورپۋستىڭ وكىلدەرى قاتىسقان.