قازاقستاندا مەملەكەتتىك حاتشىنىڭ وكىلەتتىگى وزگەردى

مەملەكەت پرەزيدەنتى جارلىققا قول قويدى.

مەملەكەت باسشىسى قاسىم-جومارت توقايەۆ 2022 جىلعى 25 قاڭتارداعى جارلىعىمەن قازاقستان رەسپۋبليكاسى مەملەكەتتىك حاتشىسىنىڭ وكىلەتتىكتەرىنە وزگەرىستەر ەنگىزدى، دەپ حابارلايدى Almaty-akshamy.kz Almaty.tv cىلتەمە جاساپ. 

بۇرىنعى قىزمەتتەرىنەن بولەك ەندى مەملەكەتتىك حاتشىعا مىناداي مىندەتتەر جۇكتەلەدى:

- مەملەكەت باسشىسىنىڭ تاپسىرماسى بويىنشا ساياسي پارتيالارمەن قارىم-قاتىناستا پرەزيدەنتتىڭ مۇددەسىن كوزدەيدى؛

- ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيانىڭ، ۇلتتىق قوعامدىق سەنىم كەڭەسىنىڭ جانە جاستار ساياساتى جونىندەگى كەڭەستىڭ قىزمەتىن ۇيلەستىرەدى؛

- پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ قىزمەتىن قاداعالايدى؛

- «تاۋەلسىزدىك ۇرپاقتارى» گرانتىن تاعايىنداۋ بويىنشا جۇمىستى ۇيلەستىرەدى.

سونىمەن قاتار مەملەكەتتىك حاتشى مىنا قىزمەتتەردى اتقارادى:

1) قازاقستان رەسپۋبليكاسىنىڭ پرەزيدەنتىنە ىشكى ساياسات سالاسىنداعى ستراتەگيالىق ۇسىنىستاردى ازىرلەيدى؛

2) مەملەكەت باسشىسىنىڭ اتىنان مەملەكەت باسشىسىنىڭ مۇددەسىن قورعايدى:

- قازاقستان رەسپۋبليكاسىنىڭ پارلامەنتىمەن جانە ونىڭ پالاتالارىمەن، وزگە دە مەملەكەتتىك ورگاندارمەن جانە قوعامدىق بىرلەستىكتەرمەن قارىم-قاتىناستا؛ 

- حالىقارالىق قاتىناستاردا؛

3) مىنا قىزمەتتەردى ۇيلەستىرەدى:

- الەۋمەتتىك-گۋمانيتارلىق سالا ماسەلەلەرى بويىنشا جۇمىستاردى: ءبىلىم، عىلىم، مادەنيەت جانە سپورت؛

- مەملەكەت باسشىسىنىڭ جانىنداعى كونسۋلتاتيۆتىك-كەڭەسشى ورگانداردىڭ جۇمىسىن؛

- سىبايلاس جەمقورلىققا قارسى كوميسسيالاردىڭ، مەملەكەتتىك ناگرادالار جونىندەگى كوميسسيالاردىڭ، ازاماتتىق كوميسسيالاردىڭ جۇمىسىن؛

- قازاقستان رەسپۋبليكاسى تۇڭعىش پرەزيدەنتى – ەلباسىنىڭ مەملەكەتتىك بەيبىتشىلىك جانە پروگرەسس سىيلىعىن بەرۋ جونىندەگى كوميسسيانىڭ جۇمىسىن؛

- مەملەكەتتىك رامىزدەر مەن ۆەدومستۆولىق جانە ولارعا تەڭەستىرىلگەن وزگە دە ناگرادالار گەرالديكاسى ماسەلەلەرى جونىندەگى رەسپۋبليكالىق كوميسسيا جۇمىسىن؛

- شەتەلدە كادرلار دايارلاۋ جونىندەگى رەسپۋبليكالىق كوميسسيا جۇمىسىن؛

- ءال-فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىقتى بەرۋ جونىندەگى كوميسسيا جۇمىسىن؛

- اباي اتىنداعى ادەبيەت پەن ونەر سالاسىنداعى مەملەكەتتىك سىيلىعىن بەرۋ جونىندەگى كوميسسيا جۇمىسىن؛

- قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيا جۇمىسىن؛

- ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيا جۇمىسىن؛

- ۇلتتىق قوعامدىق سەنىم كەڭەسى جانە جاستار ساياساتى جونىندەگى كەڭەس جۇمىسىن.

4) قوعامدىق دامۋ سالاسىنداعى مەملەكەتتىك تالداۋ قۇرىلىمدارىنىڭ جۇمىسىن ۇيلەستىرەدى؛

5) قازاقستان رەسپۋبليكاسى پرەزيدەنتىنىڭ تاپسىرمالارىنا سايكەس وزگە دە وكىلەتتىكتەردى جۇزەگە اسىرادى.

جارلىق قول قويىلعان كۇننەن باستاپ كۇشىنە ەنەدى.

ەسكە سالايىق، 2022 جىلعى 5 قاڭتاردا ەرلان قارين مەملەكەت باسشىسىنىڭ جارلىعىمەن قازاقستان رەسپۋبليكاسىنىڭ مەملەكەتتىك حاتشىسى بولىپ تاعايىندالدى.