جاساندى ينتەللەكت جانە سيفرلىق دامۋ ۆيسە-مينيسترى روستيسلاۆ كونياشكين ۇكىمەت وتىرىسىندا مەملەكەت باسشىسىنىڭ ۇلتتىق قۇرىلتايدىڭ V وتىرىسىندا مەملەكەتتىك اپپاراتتى اۋقىمدى سيفرلىق جاڭعىرتۋ جونىندەگى تاپسىرمالارىن ورىنداۋ بويىنشا جۇرگىزىلىپ جاتقان جۇمىستار تۋرالى باياندادى.
ول ەلىمىزدە مەملەكەتتىك فۋنكسيالار ءتىزىلىمىن سيفرلاندىرۋ جۇرگىزىلىپ جاتقانىن اتاپ ءوتتى. جاساندى ينتەللەكت كومەگىمەن فۋنكسيونالدى تالداۋ جۇزەگە اسىرىلادى، دەپ حابارلايدى Aqshamnews.kz UKIMET تەلەگرام ارناسىنا سىلتەمە جاساپ.
«قارجى مينيسترلىگى فۋنكسيالاردى ىسكە اسىرۋعا جۇمسالاتىن شىعىستاردىڭ تيىمدىلىگىن تالدايدى. ۇلتتىق ەكونوميكا مينيسترلىگى _ فۋنكسيالاردى وڭتايلاندىرۋدى جانە ينديكاتورلارعا قول جەتكىزۋدى ەسكەرە وتىرىپ، ولارعا باسىمدىق بەرۋدى جۇرگىزەدى»، – دەدى روستيستلاۆ كونياشكين.
سونداي-اق Qaztech پلاتفورماسىندا مەملەكەتتىك فۋنكسيالاردى رەينجينيرينگ جانە سيفرلاندىرۋ جۇرگىزىلىپ جاتىر.
ناتيجەسىندە:
- شىعىنداردى وڭتايلاندىرۋ؛
- ساندىق تيىمدىلىك مونيتورينگى؛
- قىزمەت كورسەتۋ ساپاسى مەن جىلدامدىعى ارتادى.