ءمينيستردىڭ بۇيرىعى «ادىلەت» نورماتيۆتىك قۇقىقتىق اكتىلەردىڭ اقپاراتتىق-قۇقىقتىق جۇيەسىندە جاريالاندى.
وقۋ-اعارتۋ ءمينيسترىنىڭ 2022 جىلعى 21 ماۋسىمداعى № 291 بۇيرىعىمەن ورتا ءبىلىم بەرۋ ۇيىمدارىنا ارنالعان وقۋلىقتاردىڭ، مەكتەپكە دەيىنگى جانە ورتا ءبىلىم بەرۋ ۇيىمدارىنا ارنالعان وقۋ-ادىستەمەلىك كەشەندەردىڭ ەلەكتروندىق نىسانداعى تىزبەسى بەكىتىلدى، دەپ حابارلايدى Almaty-akshamy.kz
«بۇيرىقپەن بەكىتىلگەن ورتا ءبىلىم بەرۋ ۇيىمدارىنا ارنالعان وقۋلىقتاردىڭ، مەكتەپكە دەيىنگى جانە ورتا ءبىلىم بەرۋ ۇيىمدارىنا ارنالعان وقۋ-ادىستەمەلىك كەشەندەردىڭ، ونىڭ ىشىندە ەلەكتروندىق نىسانداعى تىزبەسى وسى بۇيرىققا قوسىمشاعا سايكەس جاڭا رەداكسيادا جازىلسىن»، - دەلىنگەن مينيستر بۇيرىعىندا.
سونداي-اق، ۆەدومستۆو باسشىسى مەكتەپكە دەيىنگى جانە ورتا ءبىلىم بەرۋ كوميتەتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپكە سايكەس اتالعان بۇيرىقتى ادىلەت مينيسترلىگىندە مەملەكەتتىك تىركەۋدەن وتكىزۋىن مىندەتتەيدى.
رەسمي تىركەۋدەن وتكەن سوڭ بۇيرىق وقۋ-اعارتۋ مينيسترلىگىنىڭ رەسمي سايتىندا ورنالاستىرىلادى. ودان بولەك، بۇيرىقتىڭ العاشقى رەسمي جاريالانعان كۇنىنەن باستاپ قولدانىسقا ەنگىزىلەتىنى ايتىلعان. مەكتەپ وقۋلىقتارى مەن مەكتەپكە دەيىنگى جانە ورتا ءبىلىم بەرۋ ۇيىمدارىنا ارنالعان وقۋ-ادىستەمەلىك كەشەننىڭ ەلەكتروندىق نۇسقاسىمەن وسى سىلتەمە ارقىلى تانىسۋعا بولادى.