ينۆەستيسيا ۇلعايدى: قازاقستاندا قانشا ءىرى قارا مال باسى بار؟
Ranking.kz ساراپشىلارىنىڭ پىكىرىنشە، بيىل قاڭتار - مامىر ايلارىندا مال شارۋاشىلىعى سالاسىنداعى نەگىزگى كاپيتالعا ينۆەستيسيالار 54،9 ملرد تەڭگەنى قۇرادى. بۇل قۇندىق ماندە ءبىر جىل بۇرىنعىعا قاراعاندا 32،1 پايىزعا ارتىق، دەپ حابارلايدى Almaty-akshamy.kz Elorda.info-عا سىلتەمە جاساپ.
مال شارۋاشىلىعى سالاسىنداعى كۇردەلى سالىمداردىڭ نەگىزگى كولەمى كاسىپورىنداردىڭ مەنشىكتى قاراجاتى ەسەبىنەن قامتاماسىز ەتىلدى.
بەس ايدىڭ قورىتىندىسى بويىنشا مال شارۋاشىلىعىنىڭ جالپى شىعارىلىمى 1،2 ترلن تەڭگەنى قۇرادى، بۇل ءبىر جىل بۇرىنعىعا قاراعاندا ناقتى ماندە 1،4 پايىزعا ارتىق.
وڭىرلىك بولىنىستە ەڭ جوعارى كورسەتكىشتەر الماتى وبلىسىندا تىركەلدى. كوشباسشىلار ۇشتىگىنە تۇركىستان وبلىسى جانە شىعىس قازاقستان وبلىسى كىردى.
2022 جىلعى 1 ماۋسىمدا ەلىمىزدە ءىرى قارا مال باسى 10،1 ملن باستى قۇرادى. بۇل كورسەتكىش ءبىر جىل بۇرىنعىعا قاراعاندا 4،4 پايىزعا ارتىق.