ءاربىر وقۋشى جەكە وقۋ جوسپارى بويىنشا وقيدى.
قازاقستاندا مامانداندىرىلعان مەكتەپتەردىڭ سانى 134-كە جەتتى. وقۋ جىلىنىڭ باسىنان بەرى بۇل مەكتەپتەردە 72 مىڭنان استام وقۋشى ءبىلىم الىپ جاتىر. دارىندى بالالارمەن 8 مىڭنان استام پەداگوگ جۇمىس ىستەيدى، دەپ حابارلايدى Almaty-akshamy.kz.
مامانداندىرىلعان مەكتەپتەر ەلىمىزدىڭ بارلىق ايماعىندا اشىلعان. ەمتيحانداردان سۇرىنبەي وتكەن بالالار بۇل ءبىلىم وردالارىندا تەگىن ءبىلىم الا الادى. سونىمەن قاتار بيىل بالالار جىلىندا العاش رەت الەۋمەتتىك وسال توپتان شىققان بالالارعا ەرەكشە مۇمكىندىكتەر جاسالدى.
«مينيسترلىك دارىندى بالالاردى قولداۋ بويىنشا جان-جاقتى جۇمىس جۇرگىزىپ جاتىر. قازىرگى كۇنى 134 مامانداندىرىلعان مەكتەپ جۇمىس ىستەيدى. دارىندى بالالار رەسپۋبليكالىق جانە حالىقارالىق وليمپيادالارعا بەلسەنە قاتىسىپ، جەڭىس تۇعىرىنان كورىنىپ ءجۇر. مىسالى، بىلتىر 420-دان استام وقۋشى رەسپۋبليكالىق وليمپيادالاردىڭ جۇلدەگەرلەرى مەن جەڭىمپازدارى اتاندى. ولاردىڭ ۇستازدارى دا جاقسى ۇلگى كورسەتىپ، «ۇزدىك پەداگوگ»، «ۇزدىك اۆتورلىق باعدارلاما»، «پەداگوگيكالىق يدەيالار فەستيۆالى»، «دارىندى بالالاردىڭ تالانتتى ءمۇعالىمى» سىندى بايقاۋلارعا قاتىسىپ ءجۇر»، - دەدى «دارىن» رەسپۋبليكالىق عىلىمي-پراكتيكالىق ورتالىعىنىڭ ديرەكتورى ءانۋار ۋنايبەكوۆ.
134 مەكتەپتىڭ 94ء-ى جاراتىلىستانۋ-ماتەماتيكا باعىتىندا، 6 مەكتەپ قوعامدىق-گۋمانيتارلىق باعىتتا، 8ء-ى - كوپسالالى، 5-ەۋى اسكەري سپورت، 6-اۋى مۋزىكالىق-ەستەتيكالىق باعىتتا جۇمىس ىستەيدى. تاعى 15 مەكتەپكە اباي قۇنانبايەۆ ەسىمى بەرىلگەن. 95 مەكتەپتىڭ ينتەرناتتارى بار.
مامانداندىرىلعان مەكتەپتەردەگى وقۋ ءۇردىسى ۇلتتىق ءبىلىم بەرۋ جۇيەسىن حالىقارالىق ستاندارتتارمەن بىرىكتىرۋ ارقىلى جاسالعان. ءاربىر وقۋشى جەكە وقۋ جوسپارى بويىنشا وقيدى. مۇنداي ءتاسىل بالالاردىڭ الەۋەتىن بارىنشا اشۋعا جانە ولاردىڭ ينتەللەكتۋالدىق، شىعارماشىلىق قابىلەتتەرىن دامىتۋعا مۇمكىندىك بەرەدى.
اكادەميالىق ادالدىق پەن اشىقتىقتى ساقتاۋ ماقساتىندا وقۋ-اعارتۋ ءمينيسترىنىڭ بۇيرىعىمەن مامانداندىرىلعان مەكتەپتەرگە وقۋشىلاردى ىرىكتەۋ كونكۋرستىق نەگىزدە جۇرگىزىلەدى. كوميسسيا ىرىكتەۋ كەزىندە ماتەماتيكالىق ساۋاتتىلىق پەن وقۋ ساۋاتتىلىعىن، سونداي-اق قازاقستان تاريحىن ءبىلۋ دەڭگەيىن باعالايدى.