كورەياداعى قازاقستان ەلشىلىگىنىڭ كونسۋلدىق ءبولىمى تاۋلىك بويى جۇمىس رەجيمىنە اۋىستىرىلدى.
سول ەلدەگى قۇزىرەتتى ورگاندارمەن تۇراقتى بايلانىستا بولاتىن جەدەل شتاب قۇرىلدى. ءقازىر ديپلوماتتار كونسۋلدىق ەسەپتە تۇرعان قازاقستاندىقتارعا حابارلاسىپ جاتىر.
بۇعان دەيىن حابارلانعانداي، حەللوۋين مەرەكەسىندە ادامدار تار كوشەگە كىرىپ، ءبىرىن-بىرى تاپتاپ وتكەن. قايتىس بولعاندار سانى 150 ادامنان استى، دەپ حابارلايدى Almaty-akshamy.kz.
ولاردىڭ اراسىندا ءبىر قازاقستاندىق ازامات بار. ول - 1996 جىلى تۋعان اقتوبە وبلىسىنىڭ تۋماسى. سىرتقى ىستەر مينيسترلىگىنىڭ حابارلاۋىنشا، وتانداسىمىز كورەيا رەسپۋبليكاسىنىڭ جوعارى وقۋ ورىندارىنىڭ ءبىرىنىڭ ستۋدەنتى بولعان.
مەملەكەت باسشىسى قاسىم-جومارت توقايەۆ كورەيا رەسپۋبليكاسىنىڭ پرەزيدەنتى يۋن سوك Ëلگە سەۋلدە بولعان قايعىلى وقيعاعا بايلانىستى كوڭىل ايتۋ جەدەلحاتىن جولدادى. وندا يتيەۆون اۋدانىندا كوپ ادامنىڭ قازا تاپقانى جونىندەگى سۋىت حاباردى تەرەڭ كۇيزەلىسپەن قابىلداعانىن جازعان.