قازاقستاندا كۆي-عا قارسى تاعى ءبىر ەكپە تىركەلدى

12-17 جاس ارالىعىنداعى جاسوسپىرىمدەرگە ارنالعان ەكپە.

قازاقستاندا COVID-19-عا قارسى «سپۋتنيك م» (گام-كوۆيد-ۆاك-م) ۆاكسيناسى تىركەلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

2022 جىلعى 19 اقپاندا ق ر دسم مەديسينالىق جانە فارماسيەۆتيكالىق باقىلاۋ كوميتەتى «گام-كوۆيد-ۆاك-م» دارىلىك زاتىنا 8 اي مەرزىمگە ۋاقىتشا تىركەۋ كۋالىگىن بەردى. 

گام-كوۆيد-ۆاك-م - SARS-CoV-2 ۆيرۋسى تۋدىراتىن كوروناۆيرۋستىق ينفەكسيانىڭ الدىن الۋ ءۇشىن ۆەكتورلىق ۆاكسينا، بۇلشىق ەت ىشىنە ەنگىزۋگە ارنالعان ەرىتىندى، كومپونەنتى I-0،5 مل/دوزا + كومپونەنتى II-0،5 مل/دوزا، رەسەي فەدەراسياسىندا وندىرىلگەن. 

ۆاكسينا قازاقستان رەسپۋبليكاسىنىڭ اۋماعىندا كوروناۆيرۋس ينفەكسيانىڭ پايدا بولۋى مەن تارالۋىنا بولدىرماۋ جونىندەگى ۆەدومستۆوارالىق كوميسسيا وتىرىسىنىڭ 2022 جىلعى 10 اقپانداعى حاتتاماسىنىڭ جانە ق ر دسم كمفبك «دارىلىك زاتتار مەن مەديسينالىق بۇيىمداردى ساراپتاۋ ۇلتتىق ورتالىعى» شجق رمك 2022 جىلعى 17 اقپانداعى قورىتىندىسىنىڭ نەگىزىندە تىركەلدى. سپۋتنيك-م 12-17 جاس ارالىعىنداعى جاسوسپىرىمدەرگە ارنالعان.

«سپۋتنيك م» مەن «سپۋتنيك V» اراسىنداعى ايىرماشىلىق ادەنوۆيرۋستىق بولشەكتەردىڭ كونسەنتراسياسىنىڭ بەس ەسە تومەندەۋى بولىپ تابىلادى، سونىڭ ارقاسىندا جاسوسپىرىمدەر يممۋنيتەتى ەرەسەكتەرگە ارنالعان دوزانى قولدانۋمەن سالىستىرعاندا از جۇكتەمەگە ۇشىرايدى.