سەبەبى ونى سىرتقا شىعارۋ ءقاۋپى بار.
قازاقستان كۇنباعىسقا ەكسپورتتىق كەدەندىك باج سالىعىن ەنگىزۋ تۋرالى شەشىم قابىلدادى. بۇل تۋرالى ق ر پرەمەر-مينيسترىنىڭ ورىنباسارى – ساۋدا جانە ينتەگراسيا ءمينيسترى سەرىك جۇمانعارين ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بىزدە سىرتقى ساۋدا قىزمەتىمەن اينالىساتىن ۆەدومستۆوارالىق كوميسسيا بار. ماسەلەن، كەشە كۇنباعىستى سىرتقا شىعارۋعا قاتىستى ماسەلەنى قاراستىردىق. وعان ەكسپورتتىق كەدەندىك باج سالىعىن ەنگىزۋ تۋرالى شەشىم قابىلدادىق. ويتكەنى، ونى سىرتقا شىعارۋ ءقاۋپى بار. سوعان وراي قاڭتاردان باستاپ تاريفتىك كۆوتا ەنگىزەمىز جانە وندىرۋشىلەر اۋىل شارۋاشىلىعى مينيسترلىگىمەن جىل بويى كۇنباعىس مايىنىڭ 1 ءليترىن 750 تەڭگەدەن اسىرماۋ تۋرالى مەموراندۋمعا قول قويادى»، - دەدى سەرىك جۇمانعارين ۇكىمەت وتىرىسىنان كەيىن ب ا ق وكىلدەرىنىڭ ساۋالىنا وراي.
بۇعان دەيىن ق ر پرەمەر-مينيسترىنىڭ ورىنباسارى – ساۋدا جانە ينتەگراسيا ءمينيسترى كۇرىش باعاسىنا پىكىر بىلدىرگەنىن جازعان ەدىك.