جوبانى ارال اۋدانىندا ورنالاستىرۋ جوسپارلانىپ وتىر.
2024 جىلى ارال وڭىرىندە كۇن ەلەكتر ستانسياسى ىسكە قوسىلماق، دەپ حابارلايدى Almaty-akshamy.kz inbusiness.kz سىلتەمە جاساپ.
وسى جىلدىڭ 10 قاراشاسىندا قۋاتتىلىعى 20 مۆت كۇن ەلەكتر ستانسياسى جوباسىن ىرىكتەۋ بويىنشا وتكەن اۋكسيون قورىتىندىسىندا وتاندىق "تەسيس" ج ش س كومپانياسى جەڭىمپاز دەپ تانىلدى.
جوبانى ارال اۋدانىندا ورنالاستىرۋ جوسپارلانىپ وتىر. كۇن ەلەكتر ستانسياسى ءۇشىن 50 گا اۋماق بولىنبەك. كەلىسىمشارت بويىنشا جوبا 2024 جىلى ىسكە قوسىلادى.
"KAZAKH INVEST" ۇك" اق وڭىرلىك ديرەكتورى مۇرات بالابايەۆتىڭ ايتۋىنشا، كۇن ەلەكتر ستانسياسىنىڭ قۇرىلىسى وڭىرگە ينۆەستيسيا تارتۋعا، جۇمىس ورىندارىن اشۋعا، ەلەكتر ەنەرگياسى تاپشىلىعىنىڭ ءبىر بولىگىن جابۋعا، سونداي-اق اتموسفەراعا شىعارىلاتىن CO2 شىعارىندىلارىن ازايتۋعا مۇمكىندىك بەرەدى.
قىزىلوردا وبلىسىندا قۋاتى 89 مۆت-تى قۇرايتىن 9 كۇن ەلەكتر ستانسياسى جۇمىس ىستەيدى.
"وسى جىلدىڭ 9 ايىندا جاڭارتىلاتىن ەنەرگيا كوزدەرى وبەكتىلەرىمەن وندىرىلگەن ەلەكتر ەنەرگياسىنىڭ كولەمى 3،9 ملرد كۆت-ساعاتتى قۇراپ، وتكەن جىلدىڭ سايكەس كەزەڭىمەن سالىستىرعاندا 21%-عا ارتتى. جەك-تىڭ ۇلەسىنە ەلىمىزدە وندىرىلگەن بارلىق ەلەكتر ەنەرگيانىڭ 4،6%-ى تيەسىلى"، - دەلىنگەن باسپا ءسوز حابارلاماسىندا.
ايتا كەتۋ كەرەك، رەسپۋبليكادا جيىنتىق قۋاتى 2388 مۆت بولاتىن جاڭارتىلاتىن ەنەرگيا كوزدەرىنىڭ 130 نىسانى بار.