1240 شەتەلدىك ەلدەن شىعارىلدى.
4،5 مىڭ شەتەلدىك ازامات ەلدە بولۋ مەرزىمىن بۇزعان. 2،5 مىڭى زاڭسىز جۇمىس ىستەگەن، دەپ حابارلايدى aqshamnews.kz.
ونىڭ ىشىندە 60 زاڭسىز تاكسي جۇرگىزۋشىسى بار. بۇعان دەيىن جۇرگىزىلگەن ارنايى وپەراسيا كەزىندە 700-گە جۋىق زاڭسىز تاكسي جۇرگىزۋشىسى انىقتالعان بولاتىن.
1240 شەتەلدىك سوت شەشىمىمەن ەلدەن شىعارىلىپ، ولارعا بەس جىلعا قازاقستانعا كىرۋگە تىيىم سالىندى.
"زاڭ بۇزۋشىلاردىڭ باسىم بولىگى - جاقىن شەت مەملەكەتتەن كەلگەندەر. ءبىراق ودان بولەك بانگلادەش، ەگيپەت، يتاليا، نيگەريا جانە ماداگاسكار ازاماتتارى دا انىقتالدى. ىزدەۋدە جۇرگەن 20 شەتەلدىك ۇستالدى"، - دەدى ءىىم كوشى-قون قىزمەتى كوميتەتىنىڭ ءتوراعاسى اسلان اتالىقوۆ.
2200 قابىلداۋشى تۇلعا شەتەلدىكتەردىڭ كەلۋى تۋرالى پوليسياعا حابارلاماعانى ءۇشىن اكىمشىلىك جاۋاپكەرشىلىككە تارتىلدى. ولارعا 12 ملن تەڭگە ايىپپۇل سالىندى.
500 قازاقستاندىق جۇمىس بەرۋشىگە شەتەلدىكتەردى زاڭسىز جۇمىسقا تارتقانى ءۇشىن 33 ملن تەڭگە ايىپپۇل سالىندى. ولاردىڭ ىشىندە بەس تۇلعا وسىنداي ارەكەتتى بۇرىن دا جاساعان. ءقازىر بۇل ازاماتتار قىلمىستىق جاۋاپكەرشىلىككە تارتىلىپ جاتىر.
شەتەلدىكتەرگە جالعان قۇجاتتار راسىمدەگەن قازاقستان ازاماتتارىنا قاتىستى 12 قىلمىستىق ءىس قوزعالدى.