كارانتين كەزىندە قازاقستانعا كىم كوشىپ كەلدى؟ كىمدەر ەلىن تاستاپ، سىرتقا كەتتى؟
Almaty-akshamy.kz Finprom.kz سايتىنا سىلتەمە جاساي وتىرىپ، كوروناۆيرۋس كەزىندەگى كوشى-قون كورسەتكىشى جونىندە حابارلايدى.
العاشقى توقساننىڭ قورىتىندىسى بويىنشا، ەلىمىزگە 2،1 مىڭ ادام كوشىپ كەلگەن، بۇل وتكەن جىلمەن سالىستىرعاندا، 51،6%-عا از. ال كوشىپ كەتكەندەردىڭ سانى 5،5 مىڭ ادام، بۇل كورسەتكىش تە الدىڭعى جىلعا قاراعاندا 24،9%-عا كەم.
قازاقستانعا كوشىپ كەلگەندەردىڭ 1،6 مىڭى— ەڭبەككە جارامدى ازاماتتار. ەلىمىزدەن كەتىپ قالعان ەڭبەككە قابىلەتتى ادامنىڭ سانى بۇدان كوپتەۋ —4 مىڭ. 15 جاستان كىشى 204 بالا كوشىپ كەلسە، وسى جاس مولشەرىندەگى 1،3 مىڭ بالا كوشىپ كەتكەن.
كوشىپ كەلگەندەردىڭ اراسىندا 204 ادام جۇمىسقا ورنالاسۋ ماقساتىمەن، ال 11 ادام وقۋعا كەلگەن. ەلىمىزدىڭ 301 تۇرعىنى جۇمىس ىزدەپ، سىرتقا كەتسە، 53 شاكىرت ءبىلىم ىزدەۋگە اتتانعان.
انىقتاما ءۇشىن: 2020 جىلعى وسى ۋاقىتتا ەلىمىزدەن 7،3 مىڭ ادام كەتىپ، 4،3 مىڭ ادام كوشىپ كەلگەن بولاتىن.
قونىس اۋدارعانداردىڭ 82% -ى تمد ەلدەرىنە كەتكەن، 4،5 مىڭ ادام، بۇل بىلتىرعىمەن سالىستىرعاندا 31،2% -عا از. ونىڭ ىشىندە 4،4 مىڭ ادام رەسەيگە كوشكەن. قونىس اۋدارۋشىلاردىڭ باسىم بولىگى وزبەكستان مەن بەلارۋسسياعا كەتىپ جاتىر.
الەمنىڭ باسقا ەلدەرىنە 18% ەميگرانت قونىس اۋدارعان، بۇل 995 ادام، بىلتىرعىدان 30،2%-عا ارتىق. ونىڭ 745 ء-ى گەرمانياعا كەتكەن. يزرايل مەن پولشاعا قونىس اۋدارۋشىلار كوپ.
ال تمد ەلدەرىنەن كەلگەندەردىڭ سانى 1،7 مىڭ ادام، بۇل بىلتىرعىدان 43،6%-عا از. سونىڭ ىشىندە 851 ادام رەسەيدەن، 518 ادام — وزبەكستاننان، 125 ادام — قىرعىزستاننان كەلگەن.
تمد قۇرامىنا كىرمەيتىن باسقا ەلدەن كوشىپ كەلگەندەر سانى 350 ادام، بۇل بىلتىرعىدان 3،5 ەسە از. كوبىسى جۇڭگو، تۇركيا مەن اۋعانستاننان كەلگەن.
ەلدەن كەتكەن 15 جاستان جوعارى ەڭبەككە جارامدى ادامنىڭ كوبى تەحنيكالىق ماماندىقتاردىڭ يەلەرى. بيىلعى ءۇش ايدىڭ كورسەتكىشى بويىنشا، ەلىمىزدەن 933 ادام كوشىپ كەتكەن، بۇل بىلتىرعىدان 25،3%-عا كەم. سونداي-اق ەلىمىزدەن سىرتقا 466 ەكونوميست، 249 پەداگوگ، 186 مەديسينا قىزمەتكەرى، 113 زاڭگەر كوشىپ كەتكەن.
ال ەلىمىزگە كەلگەندەردىڭ ىشىندە 244 تەحنيكالىق مامان، 126 ەكونوميست، 70 پەداگوگ، 62 مەديسينا قىزمەتكەرى، 48 زاڭگەر بار.
