كوروناۆيرۋستان ەكپە العان ازاماتتارعا قولداۋ ءبىلدىرۋ شارالارى جالعاسىپ جاتىر.
«الما» ساۋدا ورتالىعىندا 7 ماۋسىم كۇنى ساعات 15.00-دە @alma.center ينستاگرام پاراقشاسىندا ۆاكسينا العان قالا تۇرعىندارىن قولداۋعا شەشىم قابىلداعان كاسىپكەرلەردىڭ سىيلىقتارى ويناتىلادى، دەپ حابارلايدى Almaty-akshamy.kz.
اكسياعا قالا تۇرعىندارى قاتىسىپ، 27 مامىر مەن 6 ماۋسىم ارالىعىندا ەكپە الدى. ولار كوروناۆيرۋستىق ينفەكسياعا قارسى ۆاكسينادان كەيىن لوتەرەيا تالوندارىن تولتىردى.
بارلىعى 35 جۇلدە ويناتىلادى. ولاردىڭ ىشىندە: Kimex دۇكەنىنەن 50، 30 جانە 25 مىڭ تەڭگەگە اقشالاي سەرتيفيكاتتار، شاش قيۋ ماشيناسى، فەن، بەينەتىركەگىش، شاي جيناعى، جاپقىش، شام، پىسىرۋگە ارنالعان جيىنتىق سەكىلدى ۇتىستار بولادى.