ناۋقاستانۋ 3،2 ەسەگە ازايعان
ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي سوي ەلدە كوروناۆيرۋستان بولاتىن ءولىم دەڭگەيىنىڭ تومەندەگەنىن ايتتى. ءولىم-جىتىم 2،7 ەسەگە ازايعان، دەپ حابارلايدى Almaty-akshamy.kz.
«قازاقستاندا تامىز ايىنىڭ ەكىنشى جارتىسىنان باستاپ ەپيدەميولوگيالىق احۋالدىڭ تۇراقتانۋى بايقالادى، ناۋقاستانۋ 3،2 ەسەگە، ال ءولىم-جىتىم 2،7 ەسەگە تومەندەدى. بۇگىندە 4 ءوڭىر «جاسىل» ايماقتا تۇر. ولار: جامبىل، قىزىلوردا، ماڭعىستاۋ جانە تۇركىستان وبلىستارى»، - دەدى مينيستر.
ونىڭ سوزىنشە، ەلىمىزدىڭ 8 ءوڭىرى، اتاپ ايتقاندا، شىمكەنت قالاسى، الماتى، اتىراۋ، اقتوبە، قوستاناي، شىعىس قازاقستان، باتىس قازاقستان جانە سولۇستىك قازاقستان وبلىستارى «سارى» ايماققا كىردى.
«قىزىل» ايماقتا 5 ءوڭىر قالىپ وتىر. رەپرودۋكتيۆتىلىك سانى 0،88ء-دى قۇرايدى»، - دەدى الەكسەي سوي.