قار بارىسى فوتوكامەراعا ءتۇسىپ قالدى
الماتى وبلىسىنداعى «التىنەمەل» مەملەكەتتىك ۇلتتىق تابيعي پاركىنىڭ اۋماعىن قار بارىسى مەكەندەيتىنى انىقتالدى، دەپ حابارلايدى Almaty-akshamy.kz 24.kz سايتىنا سىلتەمە جاساپ.
وسىدان ءبىر اي بۇرىن قويىلعان فوتوكامەراعا مىسىق تۇقىمداس اڭنىڭ ءبىر توبى ءتۇسىپ قالعان. عالىمدار مۇنى ەرەكشە جاعداي دەپ وتىر.
ويتكەنى وسىعان دەيىن بارىستار تەڭىز دەڭگەيىنەن 4000-5000 مەتر بيىكتىكتە عانا تىرشىلىك ەتەدى دەگەن تۇجىرىم بولاتىن. فوتوتۇزاقتىڭ كومەگىمەن ولاردىڭ 1000-1200 مەترگە دەيىن تۇسەتىنى بەلگىلى بولدى.