قازاقستاندا كوروناۆيرۋس بويىنشا ءولىم-جىتىم ازايدى

دارىگەرلەر ماۋسىمنان باستاپ كوروناۆيرۋس بويىنشا ءولىم-جىتىم ازايعانىن ايتتى.

دەنساۋلىق ساقتاۋ مينيسترلىگى جىل باسىنان بەرى قازاقستانداعى كوروناۆيرۋسقا قاتىستى ءولىم-جىتىم ستاتيستيكاسىن جاريالادى، دەپ حابارلايدى Almaty-akshamy.kz Egemen.kz سىلتەمە جاساپ. 

«بيىل 6 ايدا كۆي-دان 785 ادام قايتىس بولدى. ءولىم-جىتىم كوبىنەسە قاڭتار-اقپان ايىندا بولدى. اتاپ ايتقاندا، قاڭتاردا كوروناۆيرۋس سالدارىنان 311 ادام قايتىس بولدى، اقپاندا - 411، ناۋرىزدا - 54، ساۋىردە - 3، مامىردا - 3، ماۋسىمدا - 1 جانە شىلدە ايىندا 3 پاسيەنت قايتىس بولدى»، - دەدى ۆياچەسلاۆ دۋدنيك ورتالىق كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا.

سونداي-اق ەلىمىزدىڭ باس مەملەكەتتىك سانيتارلىق دارىگەرى كوروناۆيرۋستان قايتىس بولعاندار تۋرالى ستاتيستيكانىڭ كۇندەلىكتى جاريالانباۋىنا قاتىستى تۇسىنىك بەردى.

«ماۋسىمنان باستاپ كوروناۆيرۋس بويىنشا ءولىم-جىتىم ازايدى. ستاتيستيكانى كۇندەلىكتى جاريالاۋدىڭ قاجەتى جوق. كوروناۆيرۋس جۇقتىرىپ، ارتى ولىمگە الىپ كەلگەن جاعدايلارعا قاتىستى مالىمەت بويىنشا مينيسترلىككە جۇگىنۋگە بولادى»، - دەدى ايجان ەسماعامبەتوۆا.