قازاقستاندا كوپ سۇرانىسقا يە ماماندىقتار قانداي؟

ەلىمىزدە تاربيەشىلەر، وقىتۋشىلار جانە دارىگەرلەر تاپشى.

ەڭبەك جانە حالىقتى الەۋمەتتىك قورعاۋ مينيسترلىگى كوپ سۇرانىسقا يە مامانداردى اتادى، دەپ حابارلايدى Almaty-akshamy.kz. 

««ەڭبەك رەسۋرستارىن دامىتۋ ورتالىعى» اق-دا جۇمىس بەرۋشىلەر 2022 جىلعى تامىزدا ەلەكتروندىق ەڭبەك بيرجاسىندا قانداي مامانداردى ءجيى ىزدەيتىنى ايتىلدى. جوعارى بىلىكتى ماماندىقتار بويىنشا – تاربيەشىلەر، وقىتۋشىلار جانە دارىگەرلەر»،- دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.

ماسەلەن، تامىز ايىندا تاربيەشىلەر مەن ولاردىڭ كومەكشىلەرىنە دەگەن سۇرانىس ۇسىنىستان 2 ەسە اسىپ ءتۇستى – 1،8 مىڭ تۇيىندەمەگە قاراعاندا 3،9 مىڭ بوس ورىن. ەكىنشى ورىندا جوو مەن كوللەدج وقىتۋشىلارى. ولار ءۇشىن 2 مىڭ تۇيىندەمەمەن 3،5 مىڭ بوس جۇمىس ورنى جاريالاندى. دارىگەرلەر ءۇشىن 1،1 مىڭ تۇيىندەمەمەن 2،2 مىڭ بوس جۇمىس ورنى جاريالاندى.

ال بىلىكتىلىگى جوق ەڭبەك قىزمەتكەرلەرىنىڭ اراسىندا ەپت-عا ەڭ ۇلكەن سۇرانىسقا جۇك تيەۋشىلەر (265 تۇيىندەمەگە قارسى 2،2 مىڭ بوس جۇمىس ورنى) جانە قۇرىلىس سالاسىنداعى جۇمىسشىلار (332 تۇيىندەمەگە قارسى 2،1 مىڭ بوس جۇمىس ورنى) يە بولدى.

بۇل رەتتە ماماندار بويىنشا ەڭ ۇلكەن پروفيسيت قارجىگەرلەر (10 بوس ورىنعا 324 تۇيىندەمە)، زاڭگەرلەر (304 بوس ورىنعا 1242 تۇيىندەمە)، اۆتومەحانيكتەر (65 بوس ورىنعا 354 تۇيىندەمە)، بيوتەحنولوگتار (12 بوس ورىنعا 256 تۇيىندەمە)، فەلدشەرلەر (268 بوس ورىنعا 681 تۇيىندەمە) جانە مال وسىرۋشىلەر (95 بوس ورىنعا 464 تۇيىندەمە) اراسىندا بوس جۇمىس ورىندارى بايقالدى.