الماتىدا «تمد جانە اراب ەلدەرى ءۇشىن كيبەرقاۋىپسىزدىك بويىنشا ءوڭىرارالىق وقۋ-جاتتىعۋ» شاراسى باستالدى.
ءقازىر الەمدە ساياسي شيەلەنىستەر ءجيى بولادى. وسى كەزدە ەلدى كيبەرشابۋىلدان قورعايتىن مامانداردىڭ سانى مەن ساپاسىن ارتتىرعان ءجون.
وعان ورتا ازيا جانە امەريكا، ەۋروپا ەلدەرىنىڭ، بۇۇ-نىڭ ساراپشىلارى قاتىسىپ جاتىر، دەپ حابارلايدى Almaty-akshamy.kz.
ماقسات - حالىقارالىق كيبەرقاۋىپسىزدىكتى كۇشەيتۋ. ولاردىڭ سوزىنشە، تەحنولوگيا دامىعان زاماندا بۇل ماسەلە وتە وزەكتى. شارا بارىسىندا الەمنىڭ 20 مەملەكەتىنەن جينالعان 16 كوماندا ءوزارا تاجىريبە الماسىپ، قازاقستاندىق ينجەنەر، ءىت سالاسىنىڭ ماماندارىنا اقپاراتتى قورعاۋدىڭ تىڭ تاسىلدەرىن ۇيرەتەدى. مۇنداي اۋقىمداعى شارا قازاقستاندا العاش رەت ۇيىمداستىرىلىپ وتىر.
«كيبەرقاۋىپسىزدىكتى قاماتاماسىز ەتۋ ءۇشىن مەملەكەت جىل سايىن سەرۆەرلەر مەن انتيۆيرۋس نەمەسە فايرۆولداردى ساتىپ الۋعا قىرۋار قارجى جۇمسايدى. دەسە دە، ەڭ الدىمەن، ونىڭ ءبارىن جۇزەگە اسىراتىن ساپالى ماماندار كەرەك ەكەنىن تۇسىنگەن ءجون. وسىنداي شارالار وتاندىق ينجەنەرلەر، ءىت سالاسى قىزمەتكەرلەرىنىڭ بىلىكتىلىگىن ارتتىرۋعا جانە ارنايى كادرلاردى دايارلاۋعا سەپتىگىن تيگىزەدى»، - دەدى كيبەرشابۋىلداردى باقىلاۋ ورتالىعىنىڭ پرەزيدەنتى ولجاس ساتييەۆ.