ۇلتتىق ەكونوميكا ۆيسە-مينيسترى ارمان قاسەنوۆ ەلەكتر ەنەرگياسىنا تاريفتەر "اقىلعا قونىمدى شەكتە" قىمباتتايتىنىن ءمالىم ەتتى، دەپ حابارلايدى aqshamnews.kz
"اقىلعا قونىمدى شەكتەردە تاريفتەردىڭ ەڭ تومەنگى ءوسىمى بولادى ينۆەستيسيالىق باعدارلاما ورىندالادى، ءبىراق وعان قىزمەت كورسەتۋ مەرزىمى 20 جىلعا سوزىلادى. ءبىز بارلىق ەسەپتەۋدى جاسادىق. بۇل بولجامدار ەمەس، تالداۋعا نەگىزدەلگەن تۇجىرىمدار. ءوسىم از بولادى"، - دەدى قاسەنوۆ.
ۆيسە-مينيستر سونىمەن قاتار تاريفتەر ءوسىمىنىڭ ينفلياسياعا ىقتيمال اسەرى تۋرالى تۇسىنىكتەمە بەردى. ونىڭ ايتۋىنشا، ەسەپتەۋلەردە بىرنەشە ءجۇز ءونىم بار ينفلياسيالىق قورجىننىڭ قۇرىلىمى ەسكەرىلەدى.
ءار ەلەمەنتتىڭ اسەرى مينيمالدى. سونىمەن قاتار، بىزدە توبە بار: ەگەر اسەردىڭ بەلگىلى ءبىر شەكتەن اساتىنىن كورسەك، وندا تاريفتەردىڭ ءوسۋىن شەكتەيمىز، – دەپ اتاپ ءوتتى ول.
تاريفتەر ناقتى قانشاعا قىمبايتىنى جونىندە سۇراققا قاسەنوۆ بۇل بۇكىل ەل بويىنشا جۇزدەن استام تابيعي مونوپوليالاردىڭ ءاربىر سۋبەكتىسىنە بايلانىستى ەكەنىن اتاپ ءوتتى.
"200 ءتۇرلى تاريفتىك سان بار. ءبىز باستاپقى ءتاريفتى جانە ونى كوتەرۋ قاجەتتىلىگىن قاراستىرامىز. ءبىزدىڭ ەسەپتەۋلەرىمىز ءوسۋدىڭ وتە قالىپتى بولاتىنىن كورسەتەدى"، - دەپ سەندىردى ول.