امەريكا قۇراما شتاتتارىنىڭ ۇلتتىق كونتربارلاۋ جانە قاۋىپسىزدىك ورتالىعى (NCSC) كۇللى الەم بويىنشا 100-گە تارتا مەملەكەتتىڭ ءموبيلدى قۇرىلعىلاردى بۇزا الاتىن زامانۋي تىڭشىلىق باعدارلاماسىن ساتىپ العانىن حابارلادى.
بۇل جايىندا islam.kz پورتالى securitylab اقپارات كوزىنە سىلتەمە جاساي وتىرىپ ءمالىم ەتەدى، دەپ حابارلايدى aqshamnews.kz.
اربىردەن سوڭ مۇنداي باعدارلامانى مەملەكەتتىڭ ءوزى دە، جەكەلەگەن تۇلعالار دا پايدالانۋعا كوشكەن. وسىعان بايلانىستى تىڭشىلىق باعدارلامالارىنا سۇرانىس ارتىپ كەلەدى. بۇعان قوسا، مۇنداي باعدارلامالار كەڭىنەن تارالىپ، قول جەتكىزۋگە وڭاي قۇرالعا اينالعان.
كەيبىر باعدارلامالار «plug and play» (“قوسىل دا جۇمىس ىستەي بەر”) قاعيداتى بويىنشا جۇمىس ىستەيتىندىكتەن بوپسالاۋشىلار مەن حاكەرلەر (ينتەرنەت قاراقشىلارى) تاراپىنان دا قىزىعۋشىلىق تۋدىرۋدا. يزرايلدىك NSO Group كومپانياسى ايگىلى Pegasus spyware تىڭشىلىق باعدارلاماسى بۇل بيزنەستەگى باستى قۇرالداردىڭ بىرىنە اينالدى. 2021 جىلى اقش بيلىگى NSO Group كومپانياسىن جۋرناليستەرگە، ازاماتتىق بەلسەندىلەرگە، ديپلوماتتارعا، لاۋازىمدى تۇلعالارعا تىڭشىلىق جاساۋ ءۇشىن قولدانىلعان باعدارلامالىق جاساقتامانى ساتۋدى ايىپتاپ، قارا تىزىمگە الدى. ءدال وسى تىزىمگە Intellexa جانە Cytrox باعدارلامالارى دا كىرگەن.
وسىعان قاراماستان اتالمىش يزرايلدىك كومپانيا NSO Group تەحنولوگياسىنىڭ بۇگىندە تەرروريزممەن جانە وزگە دە اۋىر قىلمىستارمەن كۇرەستە كوپ كومەگىن تيگىزىپ كەلە جاتقاندىعىن مالىمدەدى. بۇدان بولەك، NSO Group وكىلدەرى وزدەرىنىڭ جاساقتامالىق باعدارلاماسىن ارام ماقساتىنا پايدالانعانداردى انىقتاسا، ونداي كليەنتتەرمەن اراداعى كەلىسىم-شارتتى بۇزاتىنىن اتاپ ءوتتى. NSO Group – نارىقتاعى جالعىز ويىنشى ەمەس، بۇگىندە مۇنداي قۇرالداردى ۇسىناتىن كومپانيالار جەتىپ ارتىلادى. بريتانيانىڭ ۇلتتىق كيبەرقاۋىپسىزدىك ورتالىعى اتاپ وتكەندەي، مۇنداي تەحنولوگيا ءوز كەزەگىندە ازىرلەنۋىنە بىرنەشە ونداعان جىلدار كەتەتىن ءتۇرلى تەحنولوگيالارعا كوپتەگەن مەملەكەتتەردىڭ قول جەتكىزگەنىن كەلتىردى.