قازاقستان ازاماتتارى سوڭعى ۋاقىتتا كولىك قۇرالدارىنا سالىق بويىنشا ەسەپتەلگەن قارىزدار مەن ءوسىمپۇلدار تۋرالى حابارلامالار الا باستاعانىن ايتىپ، شاعىمدانۋدا. كوپتەگەن ازاماتتار تولەمدەردى ۋاقىتىندا جاساعانىن جانە ەشقانداي قارىزى جوق ەكەنىن مالىمدەۋدە، دەپ حابارلايدى aqshamnews.kz
مەملەكەتتىك كىرىستەر كوميتەتى (مكك) وسى ماسەلەگە قاتىستى تۇسىنىكتەمە بەرىپ، سالىق تولەۋشىلەردىڭ جەكە شوتتارىنداعى دەرەكتەردى جاڭارتۋ جانە تۇگەندەۋ جۇمىستارى جۇرگىزىلىپ جاتقانىن ءمالىم ەتتى.
مكك باسپا ءسوز قىزمەتىنىڭ مالىمەتىنشە، جەكە شوتتاردى تۇگەندەۋ اياسىندا سالىق تولەۋشىلەردىڭ ەسەپتەلگەن جانە تولەنگەن سالىقتار بويىنشا دەرەكتەرى جاڭارتىلۋدا. اكتۋاليزاسيا بارىسىندا سالىقتاردى تولەۋ مەرزىمدەرى، تولەمدەردىڭ ناقتى كۇنى جانە سول كەزەڭدەگى سالىق مولشەرلەمەلەرى ەسكەرىلە وتىرىپ، ءوسىمپۇل قايتا ەسەپتەلەدى.
قازىرگى ۋاقىتتا كولىك سالىعى بويىنشا تۋىنداعان ماسەلەلەر مكك دەرەكتەردى جاڭارتۋ جۇمىستارىنىڭ ناتيجەسى بولىپ تابىلادى.
بۇل جاعداي سالىق تولەۋشىلەرگە ۋاقىتىلى تولەم جاساۋ جانە دەرەكتەردىڭ دۇرىس بولۋىن باقىلاۋ ماڭىزدى ەكەنىن ەسكەرتەدى.