ق ر ادىلەت ءمينيسترى ازامات ەسقارايەۆ پەن الماتى اكىمى ەربولات دوسايەۆ جاڭارتىلعان ادىلەت دەپارتامەنتىنىڭ عيماراتىن اشتى. سالتاناتتى راسىمگە الماتى قالاسىنىڭ ارنايى ورگاندارىنىڭ باسشىلارى دا قاتىستى، دەپ حابارلايدى aqshamnews.kz
1982 جىلى سالىنعان عيمارات زاماناۋي تالاپتارعا ساي كەلمەي، كۇردەلى جوندەۋدى قاجەت ەتەتىن ەدى.
الماتى قالاسى قۇرىلىس باسقارماسىنىڭ مالىمەتىنشە، عيماراتتىڭ قۇرىلىمى سەيسميكالىق تۇرعىدان كۇشەيتىلىپ، فۋنكسيونالدىق جانە ەستەتيكالىق سيپاتتامالارى ايتارلىقتاي جاقساردى. عيماراتتىڭ ىرگەتاسى مەن جابىندارى ءمونوليتتى تەمىربەتون پليتامەن بەكىتىلىپ، ەسكى شاتىرىنىڭ ورنىنا جاڭاسى ورناتىلدى. ينجەنەرلىك ينفراقۇرىلىم تولىقتاي جاڭارتىلدى.
سونىڭ ناتيجەسىندە الماتى قالاسىنىڭ ادىلەت دەپارتامەنتىندە ازاماتتار مەن 70-تەن استام قىزمەتكەر ءۇشىن قولايلى جاعداي جاسالدى. ايتا كەتۋ كەرەك، ازاماتتاردى قابىلداۋعا ارنالعان open space فورماتىنداعى زاماناۋي بولمەلەر جابدىقتالدى، بۇل مەملەكەتتىك قىزمەتتەردىڭ قولجەتىمدىلىگى مەن جىلدامدىعىن ارتتىرادى.
الماتىدا ادىلەت دەپارتامەنتىنىڭ عيماراتى جوندەۋدەن وتكەننەن كەيىن ازاماتتاردى قابىلداۋعا ارنالعان open space فورماتىنداعى بولمەلەر قۇرىلدى.
جۇمىسقا جاڭا تاسىلدەردى قولدانۋ مەملەكەتتىك قىزمەت كورسەتۋ مەن قۇقىقتىق اعارتۋشىلىقتىڭ ساپاسىن جوعارى دەڭگەيدە جاقسارتۋعا، قوعامنىڭ دامۋىنا ىقپال ەتەدى.