قازاقستاندا كىتاپ وقۋ سايىسى باستالدى

بايقاۋدىڭ باستى جۇلدەسى – ىستانبۇلعا ساياحات.

قازاقستان باسپا ءسوز كلۋبىندا «تۇلعا بولام» اتتى ءۇشىنشى كىتاپ وقۋ سايىسى باستالدى، دەپ حابارلايدى Almaty-akshamy.kz Almaty.tv سىلتەمە جاساپ.

«شۇعىلا» قورى، سونداي-اق «داريا» دامىتۋ ورتالىعىنىڭ ۇيىمداستىرۋىمەن وتەتىن سايىس 3 كەزەڭنەن تۇرادى. مۇندا مەكتەپ وقۋشىلارىمەن قاتار ەرەسەكتەردىڭ دە ب ا ق سىناۋ مۇمكىندىگى بار.

9 ساۋىرگە دەيىن جالعاساتىن بايقاۋدىڭ باستى جۇلدەسى – ىستانبۇلعا ساياحات. ودان بولەك، تەحنيكالىق جانە اقشالاي سىيلىقتار قاراستىرىلعان.

ايتا كەتەيىك، وتكەن ماۋسىمنىڭ جەڭىمپازىنا نۇر-سۇلتان قالاسىنان 1 بولمەلى پاتەر بەرىلگەن ەدى.  

«تالاپتارىنا كەلسەك، «داريا دامۋ» قوسىمشاسىنان تىركەلۋگە بولادى نەمەسە «تۇلعا بولام.كز» سايتىنا كىرىپ تىركەلۋگە بولادى. مىناداي ءۇش تالابى بار: ءاتى-جونىڭىزدى جازاسىز، ءوزىڭىزدىڭ مەكەنجايىڭىزدى، ياعني تۇرعىلىقتى جەرىڭىزدى كورسەتەسىز، قاي سىنىپتا وقيسىز نەمەسە ەرەسەكسىز بە، سونى جازاسىز. قاتىسۋشى ءبىز بەرگەن كىتاپتى وقيدى. ءبىر ايدا ءبىر كىتاپ بەرەمىز، سودان سوڭ سول كىتاپتان ءوزىنىڭ جاسىنا قاراي سۇراقتار بەرىلەدى. ءجۇز نەمەسە ەلۋ سۇراقتان تۇرادى. ولارعا ءبىز قويعان ۋاقىتتا جاۋاپ بەرۋ كەرەك»، - دەدى جوبانىڭ دەمەۋشىسى سىرىمبەك تاۋ.