زىمىران تاسىعىشتى ۇشىرۋعا 150-گە جۋىق اسكەري قىزمەتكەر قاتىسادى.
ورتالىق اسكەري وكرۋگتىڭ اسكەري قىزمەتشىلەرى قازاقستانداعى «سويۋز مس-21» عارىش كەمەسىنىڭ ۇشىرىلۋىن قامتاماسىز ەتەدى، دەپ حابارلايدى Almaty-akshamy.kz inbusiness.kz-كە سىلتەمە جاساپ.
«زىمىران تاسىعىشتى ۇشىرۋعا 150-گە جۋىق اسكەري قىزمەتكەر، ءتورت مي-8 تىكۇشاعى، ەكى ان-26 جانە ان-12 ۇشاعى، سونداي-اق PEM-1 جانە PEM-2 Blue Bird جەرۇستى ىزدەۋ-قۇتقارۋ ماشينالارى قاتىسادى»، - دەپ جازىلعان حابارلامادا.
اسكەريلەردىڭ ايتۋىنشا، عارىش اپپاراتىن ۇشىرۋ جانە وربيتاعا شىعارۋ كەزەكشىلىگى ەكاتەرينبۋرگ قالاسىنداعى ورتالىق اسكەري وكرۋگىنىڭ اسكەري-اۋە كۇشتەرى مەن اۋە قورعانىسى قۇراماسىنىڭ جاۋىنگەرلىك باسقارۋ ورتالىعىندا ۇيىمداستىرىلادى.
«سويۋز مس-21» باسقارىلاتىن عارىش كەمەسى مەن حعس-67 ەكسپەديسياسىنىڭ ەكيپاجىمەن «سويۋز-2.1ا» زىمىران-تاسىعىشىن ۇشىرۋ 18 ناۋرىزدا «بايقوڭىر» عارىش ايلاعىنان ماسكەۋ ۋاقىتىمەن ساعات 18:55:19-عا جوسپارلانعان. «سويۋز مس-21» ەكيپاجىنىڭ كومانديرى ولەگ ارتەميەۆ، بورتينجەنەرلەر دەنيس ماتۆەيەۆ پەن سەرگەي كورساكوۆ وربيتاعا شىعادى.