ەل تۇرعىندارى 2022 جىلدىڭ مۇلىك سالىعىن 2023 جىلدىڭ 1 قازانىنان كەشىكتىرمەي تولەۋى كەرەك، دەپ حابارلايدى Almaty-akshamy.kz.
«قازاقستان اۋماعىنداعى: وزدەرىنە مەنشىك قۇقىعىندا تيەسىلى تۇرعىنجايلار، عيماراتتار، ساياجاي قۇرىلىستارى، گاراجدار، ورىنتۇراق ورىندارى جانە وزگە دە قۇرىلىستار، قۇرىلىسجايلار، ءۇي-جايلار؛ جەكە تۇلعالارعا مەنشىك قۇقىعىندا تيەسىلى جەر ۋچاسكەلەرى مۇلىك سالىعىن سالۋ وبەكتىسى بولىپ سانالادى. بيۋدجەتكە سالىق تولەۋ جىلجىمايتىن مۇلىكتىڭ ورنالاسقان جەرى بويىنشا ەسەپتى سالىقتىق كەزەڭنەن كەيىنگى جىلدىڭ 1 قازانىنان كەشىكتىرمەي جۇرگىزىلەدى. ياعني، 2022 جىلدىڭ مۇلىك سالىعىن 2023 جىلدىڭ 1 قازانىنان كەشىكتىرمەي تولەۋ قاجەت»، - دەپ اتاپ وتەدى مەملەكەتتىك كىرىستەر كوميتەتىنەن اگەنتتىكتىڭ رەسمي ساۋالىنا وراي.
ۆەدومستۆونىڭ ناقتىلاي تۇسۋىنشە، ەگەر ءبىر جىل ىشىندە جىلجىمايتىن مۇلىك مەنشىك قۇقىعىندا ون ەكى ايدان از بولسا، وسىنداي وبەكتىلەر بويىنشا تولەنۋگە جاتاتىن مۇلىك سالىعى سالىق سوماسىن ون ەكىگە ءبولۋ جانە سالىق سالۋ وبەكتىسىنىڭ مەنشىك قۇقىعىندا بولۋىنىڭ ءىس جۇزىندەگى كەزەڭى ايلارىنىڭ سانىنا كوبەيتۋ ارقىلى ەسەپتەلەدى.
بۇل رەتتە وبەكتىنىڭ مەنشىك قۇقىعىندا بولۋىنىڭ ءىس جۇزىندەگى كەزەڭى سالىقتىق كەزەڭنىڭ باسىنان باستاپ (ەگەر وبەكت وسىنداي كۇنگە مەنشىك قۇقىعىندا بولسا) نەمەسە وبەكتىگە مەنشىك قۇقىعى تۋىنداعان ايدىڭ 1-كۇنىنەن باستاپ وسىنداي وبەكتىگە مەنشىك قۇقىعى بەرىلگەن ايدىڭ 1-كۇنىنە دەيىن نەمەسە سالىقتىق كەزەڭنىڭ سوڭىنا دەيىن (ەگەر وبەكت وسىنداي كۇنگە مەنشىك قۇقىعىندا بولسا) ايقىندالادى.
بiرنەشە جەكە تۇلعانىڭ ورتاق ۇلەستiك مەنشiگiندەگi سالىق سالۋ وبەكتiسi ءۇشiن سالىق ولاردىڭ وسى ءمۇلiكتەگi ۇلەسiنە پروپورسيونالدى ەسەپتەلەدi.
مىنا جەكە تۇلعالار ءمۇلiك سالىعىن تولەمەيدى:
1) كەڭەس وداعىنىڭ باتىرلارى، سوسياليستiك ەڭبەك ەرلەرi، «حالىق قاhارمانى»، «قازاقستاننىڭ ەڭبەك ەرى» اتاقتارىنا يە بولعان، ءۇش دارەجەلi داڭق وردەنiمەن جانە «وتان» وردەنiمەن ناگرادتالعان ادامدار – «سالىق» كودەكسىنىڭ 528-بابى 1) تارماقشاسىندا كورسەتىلگەن بارلىق سالىق سالۋ وبەكتiءسىنiڭ جالپى قۇنىنان رەسپۋبليكالىق بيۋدجەت تۋرالى زاڭدا بەلگىلەنگەن جانە ءتيىستى قارجى جىلىنىڭ 1 قاڭتارىنا قولدانىستا بولاتىن ايلىق ەسەپتىك كورسەتكiءشتىڭ 1000 ەسەلەنگەن مولشەرى شەگiندە؛
2) ەكىنشى دۇنيەجۇزىلىك سوعىسىنىڭ ارداگەرلەرى، جەڭىلدىكتەر بويىنشا ەكىنشى دۇنيەجۇزىلىك سوعىسىنىڭ ارداگەرلەرىنە تەڭەستىرىلگەن ارداگەرلەر جانە باسقا مەملەكەتتەردىڭ اۋماعىنداعى ۇرىس قيمىلدارىنىڭ ارداگەرلەرى، ەكىنشى دۇنيەجۇزىلىك سوعىسى جىلدارىندا تىلداعى قاجىرلى ەڭبەگى مەن ءمىنسىز اسكەري قىزمەتى ءۇشىن بۇرىنعى كەڭەس وداعىنىڭ وردەندەرىمەن جانە مەدالدارىمەن ناگرادتالعان ادامدار، سونداي-اق 1941 جىلعى 22 ماۋسىم – 1945 جىلعى 9 مامىر ارالىعىندا كەمىندە التى اي جۇمىس ىستەگەن (قىزمەت وتكەرگەن) جانە ەكىنشى دۇنيەجۇزىلىك سوعىسى جىلدارىندا تىلداعى قاجىرلى ەڭبەگى مەن ءمىنسىز اسكەري قىزمەتى ءۇشىن بۇرىنعى كەڭەس وداعىنىڭ وردەندەرىمەن جانە مەدالدارىمەن ناگرادتالماعان ادامدار، مۇگەدەكتىگى بار ادامدار:
تۇرعىن ءۇي قورى، سونىڭ ىشىندە ونىڭ جانىنداعى قۇرىلىستار مەن قۇرىلىسجايلار الىپ جاتقان جەر ۋچاسكەلەرى بويىنشا؛
ءۇي جانىنداعى جەر ۋچاسكەلەرى بويىنشا؛
قۇرىلىس الىپ جاتقان جەرلەردى قوسا العاندا، جەكە ءۇي (قوسالقى) شارۋاشىلىعىن جۇرگىزۋ، باعباندىق جانە ساياجاي قۇرىلىسى ءۇشىن بەرىلگەن جەر ۋچاسكەلەرى بويىنشا؛
گاراجدار الىپ جاتقان جەر ۋچاسكەلەرى بويىنشا؛
مۇلىكتىڭ بارلىق سالىق سالۋ وبەكتىسىنىڭ جالپى قۇنىنان رەسپۋبليكالىق بيۋدجەت تۋرالى زاڭدا بەلگىلەنگەن جانە ءتيىستى قارجى جىلىنىڭ 1 قاڭتارىنا قولدانىستا بولاتىن ايلىق ەسەپتىك كورسەتكىشتىڭ 1500 ەسەلەنگەن مولشەرى شەگىندە؛
3) جەتىم بالالار جانە 18 جاسقا تولعانعا دەيىنگى كەزەڭگە اتا-اناسىنىڭ قامقورلىعىنسىز قالعان بالالار:
تۇرعىن ءۇي قورى، سونىڭ ىشىندە ونىڭ جانىنداعى قۇرىلىستار مەن قۇرىلىسجايلار الىپ جاتقان جەر ۋچاسكەلەرى بويىنشا؛
ءۇي جانىنداعى جەر ۋچاسكەلەرى بويىنشا؛
قۇرىلىس الىپ جاتقان جەرلەردى قوسا العاندا، جەكە ءۇي (قوسالقى) شارۋاشىلىعىن جۇرگىزۋ، باعباندىق جانە ساياجاي قۇرىلىسى ءۇشىن بەرىلگەن جەر ۋچاسكەلەرى بويىنشا؛
گاراجدار الىپ جاتقان جەر ۋچاسكەلەرى بويىنشا؛
4) بالا كەزىنەن مۇگەدەكتىگى بار ادامنىڭ، مۇگەدەكتىگى بار بالانىڭ اتا-اناسىنىڭ ءبىرى:
تۇرعىن ءۇي قورى، سونىڭ ىشىندە ونىڭ جانىنداعى قۇرىلىستار مەن قۇرىلىسجايلار الىپ جاتقان جەر ۋچاسكەلەرى بويىنشا؛
ءۇي جانىنداعى جەر ۋچاسكەلەرى بويىنشا؛
قۇرىلىس الىپ جاتقان جەرلەردى قوسا العاندا، جەكە ءۇي (قوسالقى) شارۋاشىلىعىن جۇرگىزۋ، باعباندىق جانە ساياجاي قۇرىلىسى ءۇشىن بەرىلگەن جەر ۋچاسكەلەرى بويىنشا؛
گاراجدار الىپ جاتقان جەر ۋچاسكەلەرى بويىنشا؛
5) «باتىر انا» اتاعىنا يە بولعان، «التىن القا» القاسىمەن ناگرادتالعان كوپبالالى انالار، بولەك تۇراتىن زەينەتكەرلەر:
تۇرعىن ءۇي قورى، سونىڭ ىشىندە ونىڭ جانىنداعى قۇرىلىستار مەن قۇرىلىسجايلار الىپ جاتقان جەر ۋچاسكەلەرى بويىنشا؛
ءۇي جانىنداعى جەر ۋچاسكەلەرى بويىنشا؛
بارلىق سالىق سالۋ وبەكتiءسىنiڭ جالپى قۇنىنان ايلىق ەسەپتىك كورسەتكiءشتىڭ 1000 ەسەلەنگەن مولشەرى شەگiندە.
سالىقتان بولەك تۇراتىن زەينەتكەرلەر دەپ زاڭدى مەكەنجايى (ولاردىڭ تۇرعىلىقتى مەكەنجايى) بويىنشا تەك قانا زەينەتكەرلەر تىركەلگەن زەينەتكەرلەر تۇسىنىلەدى.