كەيبىر جۇمىس ۇسىنىستارىندا ەرەكشە نيۋانستار بار.
hh.kz سەرۆيسىنىڭ مالىمەتى بويىنشا، ميلليون تەڭگەدەن اساتىن جالاقىسى بار بوس ورىنداردىڭ باسىم كوپشىلىگى قۇرىلىس جانە جىلجىمايتىن مۇلىك سەكتورىندا، ونىڭ ىشىندە پايدالانۋ جانە جوبالاۋ سالالارىن دا قامتيدى. مۇنداي ۇسىنىستاردىڭ ۇلەسى – 18،2%. سونداي-اق IT سالاسىندا (9،5%)، بيزنەسكە ارنالعان قىزمەتتەردە (8،2%)، بولشەك ساۋدادا (8،1%) وسىنداي جالاقى ۇسىنۋعا دايىن.
الايدا، مۇنداي بوس ورىنداردىڭ ەڭ ۇلكەن بولىگى ساتىلىمدارمەن بايلانىستى، ياعني ساتىلىمدار/كليەنتتەرمەن جۇمىس بويىنشا مەنەدجەرلەر ءۇشىن ۇسىنىستاردىڭ شامامەن 28%-ىن قۇرايدى.
"بۇل جاعدايدا جۇمىس بەرۋشىلەر كوبىنەسە ەڭ جوعارى مۇمكىن بولاتىن جالاقىنى نەمەسە ساتىلىم جوسپارىن ورىنداۋ نەمەسە اسىرا ورىنداۋ كەزىندە الۋعا بولاتىن جالاقى دياپازونىن كورسەتەدى. ناقتى جالاقى ودان تومەن بولۋى مۇمكىن"، – دەلىنگەن حابارلامادا.
ميلليون تەڭگەدەن جوعارى جالاقىنى پروگرامميستتەر مەن دارىگەرلەرگە 5% جاعدايدا، ال جىلجىمايتىن مۇلىك اگەنتتەرىنە 4،4% بوس ورىنداردا ۇسىنادى.