ەلىمىزدە «براكونەر» اكسياسى ءوتىپ جاتىر. ماقسات - كيىكتەردى زاڭسىز اۋلاۋدان قورعاۋ. اتالعان شارانى ەكولوگيا جانە ىشكى ىستەر مينيسترلىگى بىرلەسىپ وتكىزۋدە، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«ەلىمىزدە كيىكتەردى قورعاۋ وپەراسياسى باستالدى. ول ءۇشىن ەكولوگيا مينيسترلىگىنىڭ اۋماقتىق بولىمشەلەرىنىڭ قىزمەتكەرلەرى مەن پوليسەيلەرمەن بىرلەسكەن 203 ءموبيلدى توپ قۇرىلدى. وپەراسيا بارىسىندا اڭشىلىق شارۋاشىلىقتارى، ورماندار مەن جانۋارلار دۇنيەسىن قورعاۋ جونىندەگى مەملەكەتتىك مەكەمەلەردىڭ اۋماقتارى، سونداي-اق ەرەكشە قورعالاتىن تابيعي اۋماقتار تەكسەرىلەدى»، - دەدى ىشكى ىستەر مينيسترلىگىنىڭ وكىلى شۇعىلا تۇرلىبەك ۆەدومستۆودا وتكەن باسپا ءسوز ءماسليحاتىندا.
سونداي-اق، مينيسترلىك وكىلى كيىكتەردى اۋلاعان جاعدايدا جاۋاپكەرشىلىكتىڭ بارىن ەسكە سالدى.
«كيىكتەردى زاڭسىز اۋلاۋ، ءوندىرۋ، ساتىپ الۋ، ساقتاۋ، وتكىزۋ، تاسىمالداۋ ءۇشىن مۇلكى تاركىلەنىپ، 3 جىلدان 12 جىلعا دەيىن باس بوستاندىعىنان ايىرۋ قىلمىستىق جاۋاپكەرشىلىك قاراستىرىلعان»، - دەيدى ول.