ۇكىمەت سۋ رەسۋرستارى جانە يرريگاسيا مينيسترلىگى ازىرلەگەن ينستيتۋت قۇرۋ تۋرالى قاۋلىنى بەكىتتى.
عىلىمي-زەرتتەۋ ينستيتۋتى كاسپيي تەڭىزىنىڭ ەكولوگيالىق، سۋ دەڭگەيىنىڭ تومەندەۋ پروبلەماسىن، يتبالىقتار مەن بالىقتاردىڭ جاپپاي قىرىلۋ سەبەپتەرىن، كاسپيي يتبالىقتارىنىڭ پوپۋلياسياسىن ساقتاۋ ماسەلەلەرىن، يحتيوفاۋنانى، كاسپيي سۋ ايدىنى مەن جاعالاۋىن زەرتتەيتىن بولادى، دەپ حابارلايدى Almaty-akshamy.kz سۋ جانە يرريگاسيا مينيسترلىگىنە سىلتەمە جاساپ.
سونداي-اق، كاسپيي اۋماعىنداعى شەكارالاس مەملەكەتتەردەگى ارىپتەستەرىمەن ءوزارا تىعىز ءىس-قيمىلدى قامتاماسىز ەتەتىن بولادى.
ينستيتۋت كاسپيي تەڭىزىنىڭ ەكوجۇيەسى تۋرالى شىنايى جانە جان-جاقتى اقپارات بەرەدى. بۇل دەرەكتەر مەملەكەتتىك جانە جەرگىلىكتى اتقارۋشى ورگانداردىڭ كەشەندى شارالار قابىلداۋىنا نەگىز بولادى. عىلىمي ۇيىم قۇرۋ سونىمەن قاتار كاسپييدى ساقتاۋ جونىندەگى حالىقارالىق جانە ۇلتتىق مىندەتتەمەلەردى تولىق كولەمدە ورىنداۋعا مۇمكىندىك بەرەدى.
«وسىعان دەيىن مەملەكەت باسشىسى تەڭىزدى ساقتاۋ ماقساتىندا كاسپييدى زەرتتەۋمەن اينالىساتىن عىلىمي ينستيتۋت قۇرۋ جونىندە تاپسىرما بەرگەن بولاتىن. مۇنداي ۇيىمدار كاسپيي ماڭىنداعى باسقا ەلدەردە دە بار. ينستيتۋتتى قۇرۋ بار پروبلەمالاردى كەشەندى تۇردە زەرتتەۋگە، اۋقىمدى مىندەتتەردى شەشۋگە، حالىقارالىق ىنتىماقتاستىقتى كۇشەيتۋگە مۇمكىندىك بەرەدى»، - دەدى ق ر سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.