نەگىزگى قىزمەتىنە فۋتزالدان ىشكى جارىستاردى ۇيىمداستىرۋ جاتادى.
قازاقستاندا كاسىپقوي فۋتزال ليگاسى قۇرىلدى. مۇنداي شەشىم ق ر فۋتبول فەدەراسياسىنىڭ قابىرعاسىندا وتكەن وتىرىستا قابىلداندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
فەدەراسيانىڭ باسپا ءسوز قىزمەتىنەن ءمالىم ەتكەندەي، كەڭەس بارىسىندا ەلىمىزدە فۋتزالدى دامىتۋ ماسەلەسى تالقىلاندى.
ليگا قۇرۋ تۋرالى شەشىمدى فۋتزالدان OLIMPBET-قازاقستان چەمپيوناتىنىڭ بارلىق كلۋبى ءبىراۋىزدان قولدادى.
ليگا پرەزيدەنتى بولىپ قازاقستان فۋتبول فەدەراسياسى فۋتزال دەپارتامەنتىنىڭ باسشىسى اسقار ابىلدايەۆ سايلاندى.
ۇيىمنىڭ نەگىزگى قىزمەتى فۋتزالدان ىشكى جارىستاردى ۇيىمداستىرۋ بولماق. ولار: OLIMPBET - ق ر چەمپيوناتى، OLIMPBET - ق ر كۋبوگى، OLIMPBET - ق ر سۋپەركۋبوگى، سونىمەن قاتار بارلىق جاس ەرەكشەلىكتەرى بويىنشا ەل بىرىنشىلىكتەرى (U-13، U-15، U-17).
سونداي-اق كەڭەستىڭ كۇن تارتىبىندە فۋتزالدان قازاقستان ءبىرىنشى ليگاسىن قۇرۋ جانە جاڭا ماۋسىمنان باستاپ فۋتزال كوماندالارىن ليسەنزيالاۋدى ەنگىزۋ ماسەلەلەرى قامتىلدى.