قازاقستاندا كاسىبي پاتروناتتىق وتباسىلار ينستيتۋتىن ەنگىزۋ ۇسىنىلىپ وتىر

زاڭ جوباسى ءالى قابىلدانعان جوق. ماماندار قۇجاتتى شەتەلدىك تاجىريبەلەرگە سۇيەنە وتىرىپ قولعا العان.

ەلىمىزدە جەتىم جانە اتا-انا قامقورلىعىنسىز قالعان بالالار تولىق مەملەكەتتىڭ قورعاۋىندا.

ءبىراق ينتەرنات، بالالار ۇيلەرىنەن گورى وتباسىندا تاربيە الۋدىڭ تيىمدىلىگىن تاجىريبە كورسەتىپ وتىر. پاۆلودار وبلىسىندا جەتىم جانە اتا-انا قامقورلىعىنسىز قالعان 1 مىڭ 535 بالا بار، دەپ حابارلايدى Almaty-akshamy.kz 24.kz-كە سىلتەمە جاساپ. 

بەس جۇزگە جۋىعى مەملەكەتتىك مەكەمەلەردە تاربيەلەنىپ جاتسا، جەتپىس ەكى بالا پاتروناتتىق وتباستارىندا تۇرادى. بالالارعا 10، اتا-انالارىنا 35 ايلىق ەسەپتىك كورسەتكىش مولشەرىندە تولەم قاراستىرىلعان.

«بۇرىن ءۇش فورما بولدى. ول قامقورشىلىق، پاتروناتتىق تاربيە جانە اسىراپ الۋشى. ەندى جاڭا فورما ەنگىزىلىپ جاتىر.بالالار ۇيلەرىمەن سالىستىرعاندا كاسىبي پاتروناتتىق وتباسىندا ءومىر ءسۇرۋ الدەقايدا ىڭعايلى بولادى دەپ ويلايمىن. سەبەبى بۇل وتباسى ارنايى دايىندىقتان وتكەن. ال قيىن جاعدايعا تاپ بولعان بۇلدىرشىندەر مەملەكەتتىك مەكەمەلەرگە ەمەس بىردەن كاسىبي پاتروناتتىق وتباستارىنا تابىستالادى. بالانىڭ مارتەبەسى انىقتالعانعا دەيىن بىرنەشە اي بويى جاڭا اتا-اناسىمەن تۇرىپ، سول ۋاقىت ارالىعىندا بەيىمدەلىپ ۇلگىرەدى»، - دەيدى ق ر پارلامەنتى ءماجىلىسىنىڭ دەپۋتاتى ۆەرا كيم.