قازاقستاننىڭ 68 قالاسىنداعى سۋ بۇرۋ قۇرىلىستارى مەن جەلىلەرىنىڭ قازىرگى جاعدايى جونىندە مالىمەت بەرىلدى
Abu Dhabi Sewerage Services Companyء-دىڭ (ADSSC) قازاقستاندا كارىز-تازارتۋ جۇيەلەرىن سالىپ، جاڭعىرتۋ جوبالارىنا قاتىسپاق. بۇل تۋرالى Almaty-akshamy.kz ييدم سىلتەمە جاساپ حابارلايدى.
اتالعان ءىس-شاراعا «قازاقستاندىق تۇرعىن ۇي-كوممۋنالدىق شارۋاشىلىقتى جاڭعىرتۋ جانە دامىتۋ ورتالىعى» اق باسقارما ءتوراعاسى ءادىلحان ومىربايەۆ جانە Abu Dhabi Sewerage Services Companyء-دىڭ باسقارۋشى ديرەكتورى، سونداي-اق باسقارما ءتوراعاسى احمەد ال-شامسي قاتىستى.
بۇل ورايدا قازاقستاندىق ورتالىقتىڭ وكىلدەرى ەلىمىزدەگى كارىز-تازارتۋ جۇيەلەرىن سالۋ مەن جاڭعىرتۋ جوبالارىن ىسكە اسىرۋعا باعىتتالعان تۇجىرىمداماسى، سونىمەن بىرگە قارجىلاندىرۋ تەتىكتەرىن ايتىپ بەردى. بۇدان باسقا قازاقستاننىڭ 68 قالاسىنداعى سۋ بۇرۋ قۇرىلىستارى مەن جەلىلەرىنىڭ قازىرگى جاعدايى جونىندە مالىمەت بەرىلدى. وسى باعىتتاعى وزەكتى ماسەلەلەردى جۇيەلى تۇردە شەشۋ ءۇشىن الەۋەتتى ينۆەستورلاردىڭ ينفراقۇرىلىمدىق جوبالارعا قاتىسۋ پەرسپەكتيۆالارى تالقىلاندى.
ءوز كەزەگىندە شەتەلدىك كومپانيانىڭ وكىلدەرى رەسپۋبليكاداعى كارىز-تازارتۋ ينفراقۇرىلىمىنىڭ جاعدايىن زەرتتەپ، تالداۋعا بايلانىستى ءوز ۇسىنىستارىن جەتكىزدى.
كەزدەسۋدىڭ قورىتىندىسى بويىنشا تاراپتار ودان ءارى ءوزارا ءتيىمدى ارىپتەستىكتى دامىتۋدىڭ ماڭىزدىلىعىن اتاپ ءوتتى.
وسى رەتتە Abu Dhabi Sewerage Services Company – ابۋ-دابي امىرلىگىندە قاتتى جانە سۇيىق قالدىقتاردان جينالاتىن اعىندى سۋلاردى ءقاۋىپسىز جيناپ، تازارتۋمەن اينالىساتىن مەملەكەتتىك كوممۋنالدىق كومپانيا ەكەنىن ايتا كەتەيىك. اتالعان كومپانيانىڭ اكتيۆىندە 40-قا جۋىق كارىز تازارتۋ قوندىرعىسى جانە 260-تان استام سورعىلاۋ ستانساسى، سونداي-اق 12،606 شاقىرىمداي كارىز جەلىسى بار.